#Unicode
~~~~~~~~~~~~~~~~~~~~~~~~~~မျှော်လင့်ချက်မပါတဲ့
တန်ဖိုးထားမှုတွေကို
နားလည်လာမဲ့နေ့ထိ
စောင့်နေပါ့မယ်" ခန့်ကမ္ဘာဦး "
~~~~~~~~~~~~~~~~~~~~~~~~~~~~~
" ကိုရှိုင်း နောက်ဘဝမှာ ဘာဖြစ်ချင်လဲ "
အားလပ်ရက်တစ်ခု၏ ညနေခင်းတွင် သျှားမှကျွန်တော့်အား မေးလာခြင်းဖြစ်သည် ။ စဉ်းစားဖူးပေမဲ့လည်း အဖြေတိတိကျကျမရရှိခဲ့ဖူးသော မေးခွန်းဖြစ်လို့ ကျွန်တော်သေချာစဉ်းစားမိသည် ။
" ငါ့ဘဝ ငါ့ခန္ဓာကို ငါကိုယ်တိုင်ပဲ စီမံခွင့်ရချင်တယ် သျှား ၊ နောက်ဘဝဆိုတာရှိခဲ့ရင်ပေါ့ "
ကျွန်တော်တို့နှစ်ယောက်ကြားရှိ လေထုက ခေတ္တမျှ ငြိမ်သက်လို့သွားသည် ။ ပြီးတော့ သျှားဟာ ကျွန်တော့်အဖြေကိုကျေနပ်ဟန်ဖြင့် အားရပါးရပြုံးလိုက်ပြီး
" ကိုရှိုင်း အခုဖတ်နေတာ English လိုတွေရေးထားတာမလား ၊ ကျွန်တော့်ကို ဘာသာပြန်ပြပါလား ၊ ကိုရှိုင်း အရင်တစ်ခေါက်ကဖတ်ပြတဲ့ " စိတ်နှင့်လိုအင်ဆန္ဒများ " ဆိုတဲ့စာအုပ်လေ ၊ အဲ့ဒါကိုအရမ်းသဘောကျလို့ "
လက်ထဲ၌ကိုင်ထားသောစာအုပ်ကို စားပွဲပေါ်သို့ အသာအယာချလိုက်သည် ။ ကျွန်တော်ကပဲ ဖတ်ပြနေရင် ဒီကောင်လေး စာဖတ်ပျင်းသွားမှာစိုးရိမ်ရသည် ။ ထို့ကြောင့်
" အရင်တစ်ခေါက်က တိုက်ဆိုင်လို့ ဖတ်ပြလိုက်တာ ၊ အဲ့လိုစိတ်အကြောင်းရေးထားတာကို မြန်မာဘာသာပြန်တွေလည်းရှိတယ် ၊ ငါ ယူပေးမယ် ၊ ခဏစောင့် "
သျှား၏ခေါင်းကို မနာအောင်တစ်ချက်ထုခဲ့ပြီး စာအုပ်စင်တွေဘက်သို့ ခြေလှမ်းမိသည် ။
" ဟို ကိုရှိုင်း ၊ ကျွန်တော် မြန်မာလို ကောင်းကောင်း မဖတ်တတ်ဘူး ၊ အဖေဆုံးတော့ အမေက တန်းပြီးကျောင်းနှုတ်လိုက်တာ ၊ အဲ့ဒါကြောင့် "
ကျွန်တော့်ရင်ဘတ်ထဲတွင် စူးကနဲအောင့်လို့သွားသည်အထိ စိတ်မကောင်းဖြစ်သွားရသည် ။ သျှားကတော့ ရယ်ကျဲကျဲနဲ့ စားပွဲခုံကိုသူ့လက်ဖြင့် တဒေါက်ဒေါက်ခေါက်နေသေးသည် ။
YOU ARE READING
CROSSROADS ( လမ်းဆုံ ) Completed
Science Fiction#Unicode လမ်းဆုံဆိုတဲ့နေရာကိုရောက်ရင် ရပ်တန့်ကြရမှာပဲ တူညီတဲ့အရပ်မျက်နှာကို ရွေးချယ်မိနိုင်သလို ဆန့်ကျင်ဘက်လည်းဖြစ်သွားနိုင်တယ် ... #Zawgyi လမ္းဆုံဆိုတဲ့ေနရာကိုေရာက္ရင္ ရပ္တန႔္ၾကရမွာပဲ တူညီတဲ့အရပ္မ်က္ႏွာကို ေ႐ြးခ်ယ္မိႏိုင္သလို ဆန႔္က်င္ဘက္လည္းျဖစ္သြာ...