#Unicode
~~~~~~~~~~~~~~~~~~~~~~~~~~~~~~မချစ်ဘဲနဲ့ ကျွန်တော့်ဘဝထဲကိုဝင်လာတယ်
နှုတ်မဆက်ဘဲနဲ့ ကျွန်တော့်ဆီကနေ
ထွက်ခွာလို့ပြေးပြန်တယ် ...
တကယ်ဆို ကျွန်တော်ဟာ
နှလုံးသားတံခါးကို သော့ခတ်ဖို့မေ့နေခဲ့တဲ့သူ
ဒါကြောင့်
ခင်ဗျားလိုတဲ့အချိန်ဝင်လာနိုင်သလို
မလိုတဲ့အချိန် ပြန်ထွက်လို့သွားနိုင်ပါတယ် ...
ဒါပေမဲ့ တစ်ခုပဲတောင်းဆိုချင်တယ်
လေစိမ်းတွေဝင်မှာစိုးတာကြောင့်
ကျွန်တော့်ရင်ခွင်တံခါးလေးတော့
ပြန်စေ့ခဲ့ပေးပါ ...ကျေးဇူးပြုပြီးပေါ့ ..." ရှိုင်းထက်အောင် "
~~~~~~~~~~~~~~~~~~~~~~~~~~~~~~~
လူတစ်ယောက်သည် အခန်းတစ်ခုရဲ့ထောင့်တစ်နေရာတွင် ငြိမ်သက်စွာရှိနေသည် ။ မျက်လုံးများကတော့ ဂဏာမငြိမ်ဘဲဟိုကြည့်ဒီကြည့်ဖြင့် ယောက်ယက်ခတ်နေသည် ။ ထိုအချိန်တွင် အခန်းတံခါးဖွင့်သံကြားရသဖြင့် ထိုလူဟာဝုန်းခနဲပြေးသွားပြီး
" ဆေး ၊ ဆေးပေးပါ ၊ ဆေးမရရင် ငါသေတော့မယ် "
ယောကျာ်းတစ်ယောက်ဖြစ်ပြီး မိန်းမတစ်ယောက်ရဲ့ခြေသလုံးကိုဖက်ကာ တောင်းဆိုနေရပေမဲ့လည်းထိုလူဟာ မရှက်နိုင် ။ အရှက်တရား ၊ အကြောက်တရားများမရှိတော့လောက်အောင်ကိုပဲ ထိုလူဟာ မူးယစ်ဆေးရဲ့သားကောင်တစ်ယောက် ။
ခြေသလုံးကိုဖက်ထားရာမှ ထိုလူဟာ ရုတ်တရက်ကြမ်းပြင်ပေါ်သို့ လဲကျကာငြိမ်သွားတော့သည် ။ ဒါပေမဲ့ စက္ကန့်ပိုင်းမျှအကြာတွင် ဝုန်းကနဲပြန်ထကာ ဝင်လာသောမိန်းမအားရန်မူရန် ကြိုးစားလေသည် ။
ထိုလူ၏ ရုတ်တရက်တိုက်ခိုက်လိုက်ခြင်းကြောင့် ကြမ်းပြင်ပေါ်သို့ပစ်လဲကျသွားသော သူမ ။
" ဝင်လာခဲ့ကြစမ်း "
ထိုမိန်းမ၏ အမိန့်ပေးအော်ဟစ်သံကို ကြားသော် အခန်းထဲသို့ ဗလတောင့်တောင့် ယောကျာ်းသားသုံးယောက် ပြေးဝင်လာကြပြီး ရန်မူရန်ကြိုးစားနေသူအား ဆွဲမကာ လွှင့်ပစ်လိုက်သည် ။
" ဝုန်း "
အခန်းထောင့်သို့ရောက်သွားသော ပိန်လှီလှတဲ့ခန္ဓာကိုယ်ဟာ အားအင်မရှိတော့သဖြင့် သူတစ်ပါးရဲ့လွှင့်ပစ်ခြင်းတွင် တော်တော်နဲ့ပြန်မထနိုင် ။
YOU ARE READING
CROSSROADS ( လမ်းဆုံ ) Completed
Science Fiction#Unicode လမ်းဆုံဆိုတဲ့နေရာကိုရောက်ရင် ရပ်တန့်ကြရမှာပဲ တူညီတဲ့အရပ်မျက်နှာကို ရွေးချယ်မိနိုင်သလို ဆန့်ကျင်ဘက်လည်းဖြစ်သွားနိုင်တယ် ... #Zawgyi လမ္းဆုံဆိုတဲ့ေနရာကိုေရာက္ရင္ ရပ္တန႔္ၾကရမွာပဲ တူညီတဲ့အရပ္မ်က္ႏွာကို ေ႐ြးခ်ယ္မိႏိုင္သလို ဆန႔္က်င္ဘက္လည္းျဖစ္သြာ...