𝙃𝙚 𝘽𝙚𝙛𝙤𝙧𝙚 𝙈𝙚 {Completed}

(( 25 ))

Unicode

ရာသီတွေအလီလီပြောင်းပြီး နှစ်နှစ်ဆိုသည့်အချိန်ကြီးကို ကိုယ်နှင့်မရင်းနှီးသည့်နိုင်ငံရပ်ခြားဒေသမှာ နေ့ရက်တွေကိုTaehyungငြီးငွေ့စွာဖြတ်သန်းလာခဲ့ရသည်။

မနက်နိုးနိုးချင်းမျက်လုံးနှစ်လုံးဖွင့်သည်နှင့် လက်ကဖုန်းလေးကိုအမြန်ယူကာစာလေးများရောက်နေမလား ဖုန်းလေးများခေါ်ထားမလားဆိုပြီးမျှော်နေခဲ့ရသည်မှာလွန်ခဲ့သည့်နှစ်နှစ် ကိုးရီယားကနေထွက်လာခဲ့သည့်အချိန်ကတည်းကပဲရစ်ကိုရောက်သည်နှင့် ပြုနေမိသည့်မနက်ခင်းအကျင့်လေးပင်ဖြစ်နေရပါပြီ။

ဒီနေ့လည်းဘာစာမှမလာ...

ဤလိုနှင့် လွမ်းဆွေးဖွယ်နေ့တစ်နေ့ကို စိတ်ညည်းညူစွာအစပြုရပြန်သည်။

Noonaပြင်ပေးထားသည့်မနက်စာပေါင်မုန့်နှင့်နွားနို့လေးအမြန်စားကာ သင်တန်းကျောင်းသို့ထွက်လာခဲ့တော့သည်။ သင်တန်းကျောင်းမှာလက်ထောက်ပန်းချီဆရာအနေနှင့် ဂျူနီယာတန်းကိုသင်ပေးနေရပြီဖြစ်တာကြောင့် ပဲရစ်မှာပဲအခြေကျသလိုလိုဖြစ်နေပြီလို့ပြောရမလား...

ဟင့်အင်း... နှလုံးသားလေးကတော့ အခြေမကျသေး။

အခုဆိုသူနဲ့ပုလဲနက်စံအိမ်နှင့်တကယ်ပဲအဆက်ပြတ်ခဲ့ပြီထင်ပါရဲ့။ ပဲရစ်စရောက်ကတည်းက ကိုးရီးယားကနေJimin hyungတို့ဆက်သွယ်မည့်အချိန်ကိုစောင့်မျှော်နေခဲ့တာ အခုဆိုနှစ်နှစ်တောင်ရှိခဲ့ပြီ။

Jungkookအခြေအနေကိုသိရဖို့မပြောနှင့် ကိုးရီးယားနှင့်ပင်လုံးဝအဆက်ပြတ်သွားသည့်သူအတွက် အရူးတစ်ယောက်လိုJimin hyungဆီကဆက်သွယ်လာမှာကိုပဲမျှော်နေခဲ့ရတာ။

အခုလို၂နှစ်ကြာသည့်တိုင် ဆက်သွယ်မလာခြင်းကJungkookအခြေအနေမကောင်းလို့များလားလို့စိတ်ပူရသည်ကတကြောင်း တမင်ပဲမဆက်သွယ်လေသလားဆိုပြီးတွေးမိကာ ပူလောင်မိရသည်ကတဖုံမလို့ဒီနှစ်စာသင်နှစ်တဝက်ပြီးလျှင်တော့ ကိုးရီယားကိုသေချာပေါက်ပြန်မည်ဟု တွေးထားမိသည်။

-
-
-
-
-
-
-
-

ဆောင်းဦးရောက်နေပြီဖြစ်တာကြောင့် ညနေခင်းရာသီဥတုဟာချမ်းစိမ့်စိမ့်ပင်။ မြို့လမ်းမကြီးဘေးကနေမြေအောက်ရထားမှတ်တိုင်ရှိရာဆင်းရမည်မလို့ သင်တန်းကျောင်းကနေအနည်းငယ်လမ်းလျှောက်လာရသေးသည်။