Unicode
'ကလင် ကလင် ကလင်'
ကျောင်းခေါင်းလောင်းသံ အချက်ပေးသည့်နှင့်ကျောင်းခန်းထဲကအလျှိုလျှိုထွက်သွားကြသည့် ကျောင်းသားကျောင်းသူများ။
Taehyungလည်းစာအုပ်တွေသိမ်းလိုက်ပြီးထမည်အလုပ် သူ့ခုံကိုကန်ကာသူ့ဘေးကဖြတ်လျှောက်သွားသည့်ကျောင်းသားတစ်ယောက်ကြောင့်လူကတုန်ခနဲ။
သူမော့ကြည့်လိုက်တော့ မဲ့ပြုံးလေးတစ်ချက်ပြုံးကာစုပ်လုံးချိုချဉ်စုပ်လျက် အခန်းထဲကထွက်သွားသည့်Jungkook။ သူလစ်လျူရှုလျက် ခေါင်းသာအသာခါမိလိုက်သည်။
စီနီယာအထက်တန်းကျောင်းသားတွေမလို့ စာတွေလုပ်ရသည့်အပြင်ကိုယ့်ကျောင်းလခကိုယ့်ဘာသာကိုယ်ရှာကာကျောင်းတက်နေရသူမလို့ စိတ်ဒုက္ခဖြစ်စေမည့်ကိစ္စတွေဆို သူဝေးဝေးကရှောင်ဖြစ်သည်။ သို့သော်ဒီပြဿာနာကောင်ကတော့ သူ့ကိုရှောင်ချင်ဟန်မတူ။
အခုလည်းသူ့ကိုခနဲ့ပြုံးနှင့်ပြုံးသွားသည့်Jungkookပုံက တစ်ခုခုဒုက္ခပေးအုံးမည့်ပုံ။ ဒင်းကတော့ထုံးစံအတိုင်းJunhoတို့အုပ်စုနှင့်ရန်သွားဖြစ်ကြအုံးမည်ထင်သည်။
သူကျောင်းရှေ့သို့ရောက်တော့ ကားနက်ကြီးတစ်စီးကသူ့ဘေးလာရပ်သည်။ ထွက်ပြေးလည်းလွတ်မည်မဟုတ်တာကြောင့် သူရပ်သာစောင့်နေလိုက်သည်။ ခဏကြာတော့ကားပေါ်ကဆင်းလာသည့် အနက်ရောင်suitအပြည့်အစုံဝတ်ထားသည့်လူတစ်ယောက်။
သူဆီသို့လျှောက်လာသည့်ထိုလူကိုသူစိမ်းမနေပါ။ သို့သော်ရင်းလည်းမရင်းနှီး။ မျက်နှာထားတင်းတင်းနှင့်ထိုလူက Taehyungကိုတွေ့တောနှုတ်ခမ်းတစ်ဖက်ရွဲ့ကာပြုံးပြလာပြန်သည်။
လူဆိုးတွေကဒီလိုပဲပြုံးကြသလား? Jungkookဆိုတဲ့တစ်ယောက်လည်းတူတူပဲ။
"Kim Taehyung sii...ထပ်တွေ့ကြရပြန်ပြီပဲ သုံးခါမြောက်တွေ့ဆုံမှုပါ။ ဘယ်လိုလဲကမ်းလှမ်းထားတဲ့ကိစ္စ စဉ်းစားပြီးသွားပြီလား?"
"ကျွန်တော်အဖြေကို အစကတည်းက ပြောခဲ့ပြီးသားလေဗျာ။ Jeon Jungkookကို စာမသင်ပေးနိုင်ဘူး။ တခြားတစ်ယောက်သာရှာလိုက်ပါ ကျေးဇူးပြုပြီး ကျွန်တော့်ကိုထပ်လာမရှာပါနဲ့ ဒါဆိုအချိနိပိုင်းအလုပ်လေးရှိသေးလို့ ခွင့်ပြုပါအုံး"
YOU ARE READING
𝙃𝙚 𝘽𝙚𝙛𝙤𝙧𝙚 𝙈𝙚 {Completed}
Fanfiction- "I am not the one you love But I am the one who loves you" - Jeon Jungkook - "I choose him but I loved You" - Kim Taehyung #Myanmar Start...