Unicode
မနက်ခင်းနေအတော်မြင့်သည်အထိ အိပ်နေဆဲဖြစ်သည့်Jungkook။ မျက်နှာပေါ်သို့နေရောင်စူးစူးကျလာတာ သိသော်လည်းမျက်လုံးကမဖွင့်မိသေး။ ဒီနေ့ဂိုဏ်းကို သွားစရာမလိုသည်မလို့အေးအေး ဆေးဆေးအိပ်ပျော်နေခြင်းပင်။
သို့သော်အိပ်ကောင်းခြင်းကကြာကြာမအိပ်လိုက်ရ။ နှာခေါင်းတွင်းဝင်လာသည့်စတော်ဘယ်ရီနံ့နှင့်ရောစပ်နေသည့်ကိုယ်နံ့သင်းသင်းလေးနှင့်အတူ မျက်နှာပေါ်မှခံစားနေမိသည့် ကလိကလိအထိအတွေ့လေးတွေကြောင့် မျက်စိတွေမှိတ်ထားလျက်ပင်သဘောကျစွာပြုံးလိုက်မိသည်။
နောက်ဆုံးသူ့နှုတ်ခမ်းပေါ်သို့ဖွဖွလေးကျရောက်လာသည့်အထိအတွေ့လေးကြောင့် သူ့မှာဆက်မအိပ်နိုင်တော့။ သူ့အားမနက်စောစောလာကလိနေသည့် ကောင်လေးကိုတဖန်အိပ်ယာပေါ်ပြန်ဆွဲချလိုက်ရင်းအပေါ်ကနေအုပ်မိုးလိုက်တော့ ပြုံးစိစိကလေးပြန်ကြည့်နေသည့်အနှီနှလုံးသားငယ်။
"လူကို မနက်ခင်းကြီးရင်ခုန်အောင်လာလုပ်နေတာပေါ့လေ"
"မလုပ်ပါဘူး ငါ့ဟာငါမင်းကိုလာနှိုးတာလေ ... မင်းဘာသာရင်ခုန်သွားတာတော့မတတ်နိုင်ဘူး"
သူ့ရင်ခွင်အောက်ကနေ မထိတထိနှင့်ပြောင်စပ်စပ်လေးပြောနေသည့် Taehyungပုံလေးကဆွဲဆက်လုပ်ချင်စရာလေးပင်။
Taehyungနှင့်Noonaကစံအိမ်တွင်ပြန်လာမနေကြသေး။ ကြဉ်းကျပ်ကျပ်နှင့် မလုံမခြုံခေါင်မိုးထပ်အိမ်လေးတွင်မနေစေချင်ပေမဲ့လည်း ချစ်သူရဲ့ဆန္ဒကိုဇွတ်မပြောချင်တာကြောင့်Jungkookထပ်မပြောမိ။
အခုလည်းမနက်စောစောစံအိမ်ရောက်လာကာ သူ့အားလာနှိုးခြင်းဖြစ်သည်။ အရင်တုန်းကအချိန်လေးတွေကို ပြန်တွေးမိတာကြောင့်သဘောကျစွာပင်ပြုံးလိုက်မိသည်။ အရင်ကတုန်းကလည်းTaeကသူ့ကိုမနက်ဆို စံအိမ်ကိုလာနှိုးနေကျမဟုတ်ပါလား။
ထို့နောက်သူ့အားပြုံးပြုံးကလေးကြည့်လာပြန်သည်မလို့ သူလဲသဘောကျစွာပြန်ပြုံးလိုက်မိသည်။ မနက်ခင်းလေးကို ချစ်သူရဲ့အပြုံးလေးနဲ့စတင်ရတာလောက် Jungkookရဲ့ဘဝမှာပျော်စရာကောင်းတာမရှိတော့။
STAI LEGGENDO
𝙃𝙚 𝘽𝙚𝙛𝙤𝙧𝙚 𝙈𝙚 {Completed}
Fanfiction- "I am not the one you love But I am the one who loves you" - Jeon Jungkook - "I choose him but I loved You" - Kim Taehyung #Myanmar Start...