[Unicode]
ရည်းစားစာကိစ္စဖြစ်ပြီးသွားနောက် ဖုန်းဖေကို ကြိုက်သည့် ကောင်မလေးအရေအတွက်မှာ အများကြီး ပိုတိုးလာသည်။
"ဘာလို့လဲဆိုတော့ ငါ့က ..... အဲ့ကောင်မလေးနာမည်ကို မပြောလိုက်လို့?"
ဖုန်းဖေ အံ့သြတကြီးပင့်သက်ရှိုက်ကာ
"ဆွဲဆောင်ရတာ လွယ်လွန်းမနေဘူးလား?"
"ဒီတစ်ခါတော့ ငါမကူညီတော့ဘူး ၊ သူတို့ မင်းဖုန်းနံပါတ်ကို ဘယ်လောက်ကြီးပဲလာတောင်းနေနေ ငါမပြောဘူး"
ဟဲ့ဟော်သည် အရင်တစ်ခေါက်ကိစ္စမှာ သူ့အမှားကြောင့်ဖြစ်သည်ဟု ခံစားနေရကာ ထပ်မကူညီချင်တော့ပေ။
"အခု အဲ့ကောင်မလေးတွေက တည်တည်တံ့တံ့ဖြစ်အောင်ကြိုးစာနေကြတာ ၊ သူ့တို့ကိုယ်သူတို့ တာဝန်ယူစိတ်ရှိတဲ့ပုံစံမျိုးလေ ၊ ငါကတော့ သူတို့ အရမ်း မိုက်ရူးရဲဆန်တယ်လို့ပဲ တွေးမိတယ်"
"တာဝန်ယူစိတ်ရှိတဲ့ပုံစံတဲ့လား ငလူးထဲမှ!"
ဖုန်းဖေ သရော်ပြုံးပြုံးလိုက်ကာ
"ငါ့ကိုယ်ငါ ဒုက္ခရောက်အောင်လုပ်မိပြန်ပြီ ၊ ဖွင့်ပြောတဲ့တစ်ယောက် ဘယ်သူမှန်းသူတို့သိသွားရင် ငါ့လက်မဲကြီးကို ဆေးရတော့မှာမဟုတ်ဘူး ၊ အော် ဒါနဲ့ ဒီတစ်ပတ် ငါမဝင်မဆော့တော့ဘူး ၊ လုပ်စရာရှိလို့"
ဟဲ့ဟော် စက္ကန်းအနည်းငယ် ဆွံ့အသွားပြီး နောက်ဆုံးတော့ ပြောလာသည်။
"ဒါပေမဲ့ ဒီတစ်ပတ်ပိတ်ရက် ကျောင်းပေါင်းစုံချစ်ကြည်ရေးပွဲ ရှိတယ်လေ! မင်းတကယ်မသွားဘူးလား? ကောင်မလေးတွေ အများကြီးလည်း လာကြည့်ကြမှာ"
"အဲ့တာဆိုလည်း မင်းသွားပေါ့"
ဖုန်းဖေ ဂရုမစိုက်စွာ ဆက်ပြောသည်။
"ငါသွားစရာရှိတယ် ၊ အဲ့တော့ နောက်ဆက်တွဲ ပွဲတွေရှိရင်လည်း ငါ့ကိုလာပြောမနေနဲ့ ၊ ငါမသွားဘူး"
ဟဲ့ဟော် အံ့သြမှင်တက်သွားပြီး
"မင်းက မင်းနဲ့မတူတော့ဘူး ၊ မင်းကောင်မလေးရနေပြီမလား? မင်းကိုကြိုက်နေတဲ့ကောင်မလေးတွေပြောတာတော့ မင်းကျီယာ့ချီကိုငြင်းလိုက်တာ ကောင်မလေးရှိနေပြီးသားမလို့တဲ့"
YOU ARE READING
ကိုယ့်နာမည်ကို မှတ်မိရဲ့လား?[မြန်မာဘာသာပြန်]
RomanceAuthor - Man Man He Qi Dou Status - 90 chapters+ 3 extras Type - web novel I own nothing of this novel. This is just a fan translation and this is not for commercial. All credits go to the orginal author.