Unicode
"Minji နဲ့ အဆင်ပြေတယ်မလား?"
စီးကရက် တစ်လိပ်ကို ကျွမ်းကျင်စွာ ဖွာထုတ်လိုက်သော သူက ကျွန်တော့်မေးခွန်းကို နှာခေါင်းရှုံ့၏
"အင်း ပြေပါတယ် ကျွန်တော့်ဇနီးဖြစ်ဖို့တောင် သူက သိပ်ကောင်းနေသေးတယ်"
ကျွန်တော် ဘာမှဆက်မပြောတော့ သူက ကျွန်တော့်ကို ခပ်စူးစူးစိုက်ကြည့်သည်
တိတ်ဆိတ်မှုက ဘုရင်အဖြစ် ယာယီစိုးစံသည်.."ကိုးရီးယားမှာ ဘယ်လောက်ကြာကြာနေမှာလဲ?"
"လက်ထပ်ပြီးတာနဲ့ ပြန်မှာ MinJi က မွေးရပ်မြေမှာ လက်ထပ်ချင်တယ်ဆိုလို့သာ ပြန်လာရတာ"
စကားစိမ်းစိမ်းက ကျွန်တော့်ရင်ဘတ်ကို ဟက်တက်ခွဲသည်
ခံပြင်းခြင်းကို အပြုံးတစ်ပွင့်နဲ့ ပိရိစွာ ကျွန်တော်ဖုံးလိုက်သည်
အဖြူရောင် စီးကရက်ငွေ့များနည်းတူ ဝမ်းနည်းမှုတွေပါ လေထဲ ပျောက်ကွယ်သွားနိုင်လျှင် သိပ်ကောင်းလိမ့်မည်............
စာကြည့်တိုက်ကနေ ထွက်လာတော့ မိုးကတဖွဲဖွဲရွာနေသည်
ကျွန်တော့်နှလုံးသားကလည်း လေတိုက်တိုင်း အရည်ပျော်ကျသည်ဘယ်ဆီသို့ ခိုနားရမလဲ မရေရာသော ခြေထောက်တွေက ခြေဦးတည့်ရာလျှောက်သွားနေသည်
စိုရွှဲလာတဲ့ ဆံပင်အချို့က ကျွန်တော့်ရှေ့မြင်ကွင်းကို အနည်းငယ်နှောင့်ယှက်နေသည်ကျောင်းဆင်းချိန်ဖြစ်သည်မို့ ကျောင်းဝတ်စုံလေးတွေနဲ့ အထက်တန်းကျောင်းသားလေးတွေ မိုးမစိုအောင်ပြေးလွှားနေကြသည်
အရပ်ရှည်ရှည် ကျောင်းသားလေးတွေကို မြင်တော့ တစ်ခါက သူ့ကို သတိရမိပြန်ပြီ"အကို့ နှုတ်ခမ်းတွေက လှတယ် ကျွန်တော် ပန်းချီဆွဲချင်လာပြီ အကို ငြိမ်ငြိမ်နေနော်"
ကြားယောင်လာတဲ့ သြရှရှ အသံနဲ့အတူ ဝိုးတဝါး အတိတ်က ပုံရိပ်များ
ထိုစဥ်က ကျွန်တော်က အထက်တန်းနောက်ဆုံးနှစ် သူက ဒုတိယနှစ်..
ပန်းချီဆွဲရတာ ဝါသနာပါတဲ့သူက ခေါင်မိုးထပ်မှာ လာလာအိပ်တတ်တဲ့ ကျွန်တော့်ဆီ အမြဲတစေ လာလေ့ရှိသည်
![](https://img.wattpad.com/cover/269396728-288-k679954.jpg)
YOU ARE READING
𝕄𝕖𝕞𝕠𝕣𝕚𝕖𝕤 𝕄𝕒𝕫𝕖 (𝓒𝓸𝓶𝓹𝓵𝓮𝓽𝓮𝓭 )
Fanfictionမြတ်နိုးရတဲ့ 'သူ'က ထွက်သွားခဲ့ပေမယ့် 'သူ' ပေးခဲ့တဲ့ အမှတ်တရတွေကတော့ သေဆုံးသည့်တိုင်ထာဝရကျန်ရစ်နေခဲ့မှာပါ ျမတ္နိုးရတဲ့ 'သူ'က ထြက္သြားခဲ့ေပမယ့္ 'သူ' ေပးခဲ့တဲ့ အမွတ္တရေတြကေတာ့ ေသဆုံးသည့္တိုင္ထာဝရက်န္ရစ္ေနခဲ့မွာပါ