Unicode
" အတွင်းရေးမှူးယူ.. "
" ဟုတ် လာပြီခင်ဗျ "
" ငါ စောင့်ကြည့်ရေးအခန်းသွားမလို့ မင်းပါလိုက်ခဲ့ "
" ဟုတ်ကဲ့ "
မနေ့ကကိစ္စ သူအကြောင်းစုံသိချင်တာကြောင့် စောင့်ကြည့်ရေးအခန်းကိုသွားကြည့်မှရမည်။ Kookie ကိုမေးလျှင်လည်း ဒီကောင်လေးကပြောပြမည် မဟုတ်တာကို သူသိသောကြောင့်ပင်။
" Woobin.. "
" သူဌေး ဘာကိစ္စရှိလို့ပါလဲ? "
" ငါ မနေ့ မနက်ပိုင်းလောက်က CCTV ကိုကြည့်ချင်လို့ "
" ဘယ်နားကလဲ သူဌေး "
" အဖွဲ့နှစ်အခန်းနားက "
" ဟုတ် ကျွန်တော်ပြန်ကြည့်ပေးပါ့မယ် "
Taehyung လည်း Woobin ဘေးနားက ထိုင်ခုံကိုယူဆွဲကာထိုင်လိုက်ပြီး Laptop Screen ကိုသာ စိုက်ကြည့်နေမိသည်။ ခဏကြာတော့ Woobin က သူ့ဘက်ကို Laptop လေးကို အသာလှည့်ပေးသည်။
သူကြည့်လိုက်မိတော့ Kookie ကကော်ဖီစက်ဆီ အပြေးလာပြီး ခွက်ထဲကော်ဖီထည့်နေသည်။ သိပ်မကြာလိုက်...သူထင်တဲ့အတိုင်းဖြစ်လာတာပဲ။ Kookie ကိုအပူလောင်အောင်လုပ်လိုက်တဲ့ မိန်းကလေးက အဖွဲ့တစ်ကဆိုတာသူသိသည်။
သို့ပေမယ့် မျက်မှန်းတန်းမိရုံလောက်။ နာမည်လည်းသူမသိ။ သူကြည့်နေရင်းမှ Kookie က လက်ကိုအုပ်ကိုင်ပြီးအပြေးထွက်သွားနေပုံတွေ၊ သေချာမမြင်ရပေမယ့် ညှိုးငယ်နေတဲ့မျက်နှာလေး။ အဲ့ဒီပုံလေးတွေကိုမြင်လိုက်ရတဲ့အချိန်မှာ စားပွဲပေါ်တင်ထားတဲ့ လက်ကိုကျစ်ကျစ်ပါအောင်ဆုပ်နေမိသည်။
" အတွင်းရေးမှူးယူ! ! "
" ဟုတ်..ဟုတ်ကဲ့ သူဌေး "
" အဲ့ဒီမိန်းကလေးကို မင်းသိလား? "
" ဟုတ် သိပါတယ် အဖွဲ့တစ်က ဂန်မီရီ ပါ "
" အဲ့တစ်ယောက်ကိုစောင့်ကြည့်ထား..နောက်တစ်ခါထပ်ပြီး Kookie ကို ဒီလိုလုပ်ရင် ငါ့ဆီ
ချက်ချင်းအကြောင်းကြား "
" ဟုတ်ကဲ့ "
အတွင်းရေးမှူးယူလည်း သူဌေးဒီလောက်ဒေါသထွက်တာမမြင်ဖူးသည်ကြောင့် ကြောက်နေရသည်။ သူဌေး Kim Tae Hyung ဆိုတာ ဘယ်အရာမဆို အေးအေးဆေးဆေး ဖြေရှင်းတတ်သူလေ။
YOU ARE READING
ALWAYS { COMPLETED }
Fanfiction" ထာဝရဆိုတဲ့ မတည်မြဲတဲ့စကားတွေကို ကိုယ်မပြောဘူး။ ဒါပေမယ့် ကိုယ်သေချာပြောနိုင်တာတစ်ခုတော့ရှိတယ်။ အဲ့ဒါက ကိုယ်မင်းဘေးနားမှာ အမြဲတမ်းအတူရှိနေမယ်ဆိုတာပဲ " " ထာဝရဆိုတဲ့ မတည္ၿမဲတဲ့စကားေတြကို ကိုယ္မေျပာဘူး။ ဒါေပမယ့္ ကိုယ္ေသခ်ာေျပာနိုင္တာတစ္ခုေတာ့ရွိတယ္။ အဲ...
