Unicode
Jungkook တစ်ယောက် မနေ့ညက တစ်ရေးမှအိပ်မရခဲ့သည်မို့ ဒီနေ့ရုံးလာသောအခါ ရုံးနောက်ကျနေသည့်အပြင် မျက်လုံးများမှာလည်း ပန်ဒါကဲ့သို့ ဖြစ်နေကာ နှုတ်ခမ်းတွေလည်း ဖြူဖျော့နေတော့သည်။
" ဟယ် Jungkook နင်ဘယ်လိုဖြစ်လာတာလဲ? "
ထိုင်ခုံမှာထိုင်လိုက်ရုံရှိသေး အစ်မယွန်းအာက စိုးရိမ်တကြီးမေးလာသည်မို့ Jungkook မော့ကြည့်မိသည်။
" မနေ့ညက အိပ်မပျော်လို့ပါ အစ်မရာ "
" နင်ကလည်း အလုပ်ချည်းပဲ ဖိလုပ်မနေနဲ့လေ "
အစ်မယွန်းအာပြောတာကို သူပြုံးရုံပြုံးကာ ခေါင်းငြိမ့်ပြလိုက်သည်။ အမှန်တော့ သူအလုပ်လုပ်နေတာမှမဟုတ်ပဲ။ မနေ့ညက ရှေ့နေဦးလေးပြောတဲ့စကားတွေကို သူစဥ်းစားနေမိသောကြောင့်ပင်။
" သူဌေးက နင့်ရဲ့ဒီပုံစံကိုတွေ့ရင် စိတ်ပူနေဦးမယ် "
" အဲ့ဒါတော့ဟုတ်တယ် အစ်မရေ..ဒါနဲ့ Tae Tae ရုံးရောက်နေပြီလား? "
" ရောက်နေပြီလေ နင်မလာခင်တုန်းကတောင် အခန်းရှေ့လာသွားသေးတယ်...နင့်ကိုလာကြည့်တာထင်တယ် "
" ဟုတ်လား..အဲ့ဒါဆိုကျွန်တော် Tae Tae ဆီ ခဏသွားလိုက်ဦးမယ် "
" အေးအေး ဂရုစိုက်ဦး "
အစ်မယွန်းအာကိုခေါင်းငြိမ့်ပြကာ ရုံးခန်းဆီထွက်လာခဲ့လိုက်သည်။ လမ်းသာလျှောက်လာရတာ... လူကအိပ်ရေးမဝသည်မို့ ခေါင်းမူးလာသလိုပင်။ နားထင်အား လက်ဖြင့် ဖိနှိပ်ရင်း ဆက်လျှောက်လာခဲ့သည်။
" အစ်ကိုယူ Tae Tae ရှိတယ်မလားဟင် "
Jungkook မေးတော့ အတွင်းရေးမှူးယူက အလုပ်လုပ်နေရာမှ မော့ကြည့်လာသည်။
" အော် သူဌေးအခန်းထဲမှာရှိတယ်..ဝင်သွားလိုက်လေ အစ်ကိုကအိမ်မှာ ဖိုင်တွဲကျန်ခဲ့တာ အဖေလာပို့လို့ ကုမ္ပဏီရှေ့သွားယူလိုက်ဦးမယ်...ဟီး "
သူ့ကိုဟီးခနဲရယ်ကာ လည်ပင်းပွတ်ရင်း ပြောလာသည်ကြောင့် တင်ပြစရာဖိုင်တွေကျန်ခဲ့လို့ Tae Tae ဆူထားတာများလား။
" ဒါနဲ့ Jungkook အဆင်ပြေရဲ့လား? Jungkook ပုံစံကအားနည်းနေသလိုပဲ "
" အာ..ဟုတ် အဆင်ပြေပါတယ် "
YOU ARE READING
ALWAYS { COMPLETED }
Fanfiction" ထာဝရဆိုတဲ့ မတည်မြဲတဲ့စကားတွေကို ကိုယ်မပြောဘူး။ ဒါပေမယ့် ကိုယ်သေချာပြောနိုင်တာတစ်ခုတော့ရှိတယ်။ အဲ့ဒါက ကိုယ်မင်းဘေးနားမှာ အမြဲတမ်းအတူရှိနေမယ်ဆိုတာပဲ " " ထာဝရဆိုတဲ့ မတည္ၿမဲတဲ့စကားေတြကို ကိုယ္မေျပာဘူး။ ဒါေပမယ့္ ကိုယ္ေသခ်ာေျပာနိုင္တာတစ္ခုေတာ့ရွိတယ္။ အဲ...
