Unicode
_______ပြတင်းပေါက်ဘေးနံရံက တိုက်ကပ်နွယ်ပင်လေးတွေ အပေါ် ငှက်ကလေးတစ်ကောင်စ နှစ်ကောင်စ၏ ကျီကျီကျာကျာ အသံက အလင်းရောင်မကျတကျ နံနက်ခင်းကို ကြိုဆိုလျက်ရှိသည်။ Pajama နို့နှစ်ရောင်ဖြင့် ကောင်လေးကတော့အခန်းထဲတွင် အိပ်မောကျနေဆဲပင်။
သိပ်မကြာခင် ချစ်စဖွယ်ကောင်းသော တံခါးခေါက်သံက နှစ်ချက်ဆင့်ကာ ထွက်ပေါ်လာသည်။
"ဒီအချိန်ကြီး ဘယ်သူလဲ "
ဆော့ဂျင် အနည်းငယ်မို့နေသော မျက်ခွံနှစ်ဘက်ကို ဖိပွတ်ကာ တံခါးဖွင့်ပေးလိုက်သည်။
"Morning အစ်ကို "
တံခါးရှေ့မှာ ပြုံးစိစိနဲ့ ရပ်နေသော ဂျောင်ကုသည် အိပ်ရေးမဝသေးသော ဆော့ဂျင်အတွက် ပိတ်ရိုက်ချင်စရာ ကောင်းသည်။သို့ပေမဲ့ အနက်ရောင်စပို့ရှပ် လည်ပိတ် လက်ရှည်နှင့် ဂျင်းဘောင်းဘီအပြာရင့်တွဲဝတ်ထားသော ထိုကောင်လေးက မရိုက်ရက်စရာကောင်းလောက်အောင်ကို ချစ်စဖွယ်ပြုံးပြနေရှာသည်။
"ဘာလဲကွာ စောစောစီးစီးကြီး"
"မနက်စာ အတူစားရအောင်လေ အစ်ကို"
"မင်းအိမ်မှာ မင်းစားပါလား"
ဆော့ဂျင် အိမ်ထဲလှည့်ဝင်တော့ သူပါလိုက်ဝင်ကာ ခါးကို အတင်းဝင်ဖက်တော့သည်။
"ဖယ်ပေးစမ်း ငါမျက်နှာ မသစ်ရသေးဘူး"
"ဟင့်အင်း ဘယ်အချိန်ပဲဖြစ်ဖြစ် အစ်ကိုက ကျွန်တော့်အတွက် အမြဲတမ်း ဆွဲဆောင်မှုရှိတယ်"
ဆော့ဂျင်ပြုံးလိုက်ရင်း ခါးပေါ်က ဂျောင်ကုလက်တွေကို သူ့လက်တွေနဲ့ ပြန်ဆုပ်ကိုင်ထားလိုက်သည်။
"အဲ့အပြောတွေနဲ့ပဲ လုပ်စားနေတာကြာပြီမလား"
"တကယ်ပါဆို "
အလိုမကျဟန်ဖြင့် မျက်မှောင်ကြုတ်ပြီး ပြောနေပုံက စိတ်ကောက်သွားသော ယုန်ကလေးနှင့်တူသည်။နှာခေါင်းလုံးလုံးလေးက အနီးကပ်ကြည့်မှ ကိုက်ဆွဲချင်စရာလေး။
"လွှတ်ဦး မျက်နှာသွားသစ်မလို့ "
"မလွှတ်ဘူးဗျာ တစ်ညလုံး လွမ်းနေတာ အိပ်လို့တောင် မပျော်ဘူး"
YOU ARE READING
BEFORE I GO || JINKOOK ✓
Fanfiction❝ မုန်းတယ်ဆိုတဲ့ စကားအခွန်းတစ်ရာထက် ဘာမှမပြောဘဲ ဥပေက္ခာပြုနေလည်း မင်းမရှိရင် ကိုယ့်ကမ္ဘာ့ပြိုမယ်ဆိုတာသိတယ်မလား ❞ ꧁𝐽𝑒𝑜𝑛 𝐽𝑢𝑛𝑔 𝐾𝑜𝑜𝑘 ☘︎ 𝐾𝑖𝑚 𝑆𝑒𝑜𝑘 𝐽𝑖𝑛꧂ .. ❝ မုန္းတယ္ဆိုတဲ့ စကားအခြန္းတစ္ရာထက္ ဘာမွမေျပာဘဲ ဥေပကၡာျပဳေနလည္း မင္းမ႐ွိရင္ ကိ...