အခန်း (၂၇) - Aiden ၏ လျှို့ဝှက်ချက်
နောက်တစ်နေ့ မနက်ခင်း၌ Xiwei ဟာ Klaire ၏အိမ်သို့ မနက်စာစားပြီး နောက်သွားခဲ့သည်။
အရှင်မင်းကြီး Trent က Xiwei တစ်ယောက်ထဲသွားခဲ့တာကို စိတ်ပူတာကြောင့် Craig နှင့် တော်ဝင်ကိုယ်ရံတော်အသင်းကိုပါ ခေါ်ဆောင်သွားစေခဲ့သည်။ ဒါကြောင့်မလို့ အကူညီမဲ့နေသော Xiwei လေးဟာ မျက်နှာအမူယာလုံးဝမရှိသည့် Criag နှင့်အတူ သွားခဲ့ရတော့သည်။လမ်းတစ်လျှောက်လုံးတွင် ဗိုလ်ချုပ်ကြီး Criag ဟာ တိတ်ဆိတ်နေခဲ့သည်။ လွင့်မျှောနေတဲ့ကားပေါ်က လေထုကို ကိုးရိုးကားရား နိုင်စေခဲ့သည်။ Xiwei က စကားစပြောရမှာပျင်းတာကြောင့် အပြင်ဘက်က ရှုခင်းတွေများကိုသာ ကြည့်ရှုနေခဲ့သည်။ ကံကောင်းစွာနဲ့ဘဲ ခဏကြာတော့ Klaire ရဲ့ အိမ်သို့ ရောက်လာခဲ့သည်။ Xiwei ကို အံ့သြသွားစေခဲ့တာကတော့ Klaire ရဲ့အိမ်ရှေ့မှာ တပ်သားများ နှစ်တန်းခွဲကာ ရပ်နေခဲ့ပြီး လွင့်မျှောနေသော ကားတွေဟာလည်း ရပ်နားထားခဲ့သည်။ကြယ်တာယာ တပ်ရဲ့ သေင်္ကတဖြစ်တဲ့ အပြာရင့်ရောင် ကြယ်ပုံသဏ္ဍာန်များကိုလည်း ကားပေါ်တွင် ရေးဆွဲထားခဲ့၏။ တပ်သားတွေအားလုံးသည် အရပ်ရှည်ပြီး ရုပ်ထုများကဲ့သို့ လုံးဝမလှုပ်ဘဲ ရပ်နေခဲ့သည်။
Craig ဟာ ထိုမြင်ကွင်းကို အဝေးကနေပြီး ကြည့်နေခဲ့သည်။ ဗိုလ်ချုပ်ကြီး Byron ဟာ မကြာခင် အိမ်ကနေထွက်ခွာတော့မယ်ဆိုတာကို သိနေတာကြောင့် သူက Xiwei ကိုပြောလိုက်တယ် " အရှင့်သား.. ဒီနားလေးမှာဘဲ ခဏလောက်စောင့်ဆိုင်းခွင့်ပြုပါ "
Xiwei က ခေါင်းငြိမ့်လိုက်သည်။
သေချာပေါက်ဘဲ မကြာခင်အချိန်တွင်းမှာ ဗိုလ်ချုပ်ကြီး Byron ဟာ တပ်သားအချို့နှင့်အတူ စံအိမ်တွင်းထဲမှ ထွက်လာခဲ့ကာ လွင့်မျှောနေသော ကားများပေါ်တက်ပြီးထွက်ခွာသွားခဲ့တော့သည်။ ကြယ်တာယာတပ်စုတွေရဲ့ ကားတွေဟာ ကြယ်ပျံများသကဲ့သို့ မြင်ကွင်းထဲမှ ချက်ချင်းပျောက်ကွယ်သွားခဲ့တော့သည်။
အဲ့ဒီနောက်မှာတော့ Craig က တော်ဝင်ကိုယ်ရံတော်များကို ရွှေ့လျားဖို့အမိန့်ပေးလိုက်ကာ Klaire ၏ စံအိမ်တော် ရှေ့တွင် ရပ်နားလိုက်သည်။ သူကိုယ်တိုင် ပထမမင်းသားကို အဖော်ပြု၍ တံခါးပေါက်ဝသို့ သွားခဲ့သည်။
YOU ARE READING
<ဘာသာျပန္>
Science FictionZawgyi Version ႐ုပ္႐ွင္ေလာကမွာ အေက်ာ္ၾကားဆံုးသ႐ုပ္ေဆာင္ျဖစ္တဲ့ Ji Ran ဟာသူ႔ရဲ႕ ဒုတိယအျကိမ္ေျမာက္ အေကာင္းဆံုးသ႐ုပ္ေဆာင္ဆုကိုရ႐ွိၿပီးေနာက္တစ္ေန႔မွာ ယာဥ္တိုက္မႈေၾကာင့္ေသဆံုးခဲ့ရတယ္ သူျပန္လည္ေမြးဖြားခဲ့ၿပီးေနာက္ သူ႔ရဲ႕ငယ္သူငယ္ခ်င္းေလးကို ကေလးပီပီ အႏိုင္...