انفصام نفسي

Part32🖤

تقف ميرا وهي تتمايل على أنغام احدى الأغاني ممسكه في يديها طفلتها الصغيره اللتي ربطت على خصرها حجابها وعلى خصر طفلتها
ميرا : اديلووو قوليلي اتعلمتي ده منين
عشق : من خالتو ملك... دي شاطره اوي يا مامي
ميرا لنفسها : حرفتي البنت يا ملك
ثم اردفت لطفلتها : طب يلا علميني انتي بقى
عشق : انتي بتضحكي عليا انتي رقاصه اصلا
شهقت ميرا : انا يا عشقي؟ مين قال كده
عشق : انا الي شفتك قبل. كده بترقصي قدام بابي
حتى كنتي لابسه....
وضعت ميرا يديها على فم طفلتها : اسكتي خلاص خلاص
وفي داخلها : حسبي الله كله منك يا سليم شوهت سمعتي قدام البنت
ميرا : انسي بقى ويلا علميني برده انتي احسن مني
عشق : خلاص ماشي هعلمك
وأخذت تتمايل أمامها وتردف بين الحين والأخر : ايوه اعملي كده... شاطره
اردفت عشق بتفكير : مامي هو احنا هنرقص كده ف الحفله بكره
ميرا : لا ياروحي احنا بنات مينفعش نرقص قدام جد عشان حرام وربنا هيزعل مننا وكمان عيب الناس هتقول مين البنت الي مش كويسه الي بترقص دي
عشق : بس انتي رقصتي قدام با....
قاطعتها ميرا بإحراج : خلاص بقى يا عشق انسي ياروحي انسي.... وبعدين ياروحي بابي ده يبقى جوزي ويبقى باباكي فينغع عادي نرقص قدامه
عشق : يبقى انا هرقص لما بابي يجي
اندمج كلتاهما معاً حتى انتفض كلاهما عند فتح الباب ودخول سليم وهي ينظر لإحداهما بحب
والأخرى يتجنب النظر إليها فهو متأكد من انه اذا خطف نظره واحده لها ستنهار حصونه ويفتك بها الأن
عشق وهي تركض اليه وتقفز متعلقه في عنقه : بابيييي
سليم وهو ينهال عليها بسيل من القبلات : روح قلب بابييي يا عشقي
ميرا وهي تقترب منه هي الأخرى وبعيداُ عن أنظار الطفله خطف سليم من شفتيها قبله تمنى لو كانت أطول واعمق لولا التفات عشق لهم
ميرا : حمد لله على سلامتك
سليم : الله يسلم قلبك
ميرا : خد شاور يلا على ما اجهز العشاء
عشق : هساعدك يا مامي
ميرا : يلا ياروح مامي
سليم بهمس لميرا : انا مش عارف ضهري بيوجعني اوي
ميرا بفزع وهي تضع يديها على ظهره : بجد طب قولي حاسس بإيه وفين بالضبط
ضحك سليم ثم اردف : ساعديني بس اخد الشاور اصلي مش قادر اتحرك
اومأت ميرا بنعم ولكن تبدل وجهها فجأه للغضب وهي تلكز سليم في كتفه : انت بتستهبل قلتلك كام مره متهزرش فالتعب ياسليم انا اللي بتعب والله
قبل هو باطن يديها وهمس بإعتذار بجانب اذنها : انا اسف
ابتسمت هي وامسكت بيد عشق متجهين للمطبخ بينما دخل سليم للمرحاض
انتهت امسيتهم بعد عشائهم
وصباحاً استيقظت ميرا على أنفاس حاره على عنقها وشئ ثقيل على صدرها واخر يلتف حول جسدها يقيد حركتها
افسحت عن ابريق العسل في عينيها لتجد سليم يدفن رأسه في عنقها ويلف جسدها بيده وقدمه بتملك
ابتسمت هي ورفعت يديها بصعوبه ومررتها في خصلات شعره
ليستيقظ هو على لمساتها تلك ويبتسم
ثم اردف وهو يطبق على شفتيها بقبله : قبلة الصباح
ضحكت هي : صباح النور
سليم : صباح العسل
فرد ذراعيه بقوه ليلتهم جسدها بينهم وقطع تلك اللحظه
طرق على الباب لتدلف عشق بعد أن أذن سليم لها بالدخول
عشق : today is my birth day
سليم بإبتسامه : احلى بيرثداي ياروحي
ميرا : Happy birth day ياروح مامي
سليم : انا هاخد شاور وهشوف تجهيزات الحفله تحت
ميرا : وانا هجهز انا ونجمة الليله
ضحكت عشق بفرحه : يلا يامامي نجهز ايهم هيجي هو وهمس دلوقتي
توقف سليم فجأه والتف لها واردف : مين يا عشق؟
عشق : ايهم وهمس دول  my best friends يابابي
سليم بحده خفيفه : لا مفيش حاجه اسمها بيست فريند والهبل ده متصاحبيش ولاد
عشق : بس انا بحبه
جحظت عين سليم وكاد يتحدث ولكن هرولت اليه ميرا : اسكت يا سليم عشان خاطري متخوفهاش انا هفهمها بالراحه
سليم : مش عايز اسمعها بتقول الهبل ده تاني
ميرا : حاضر حاضر متزعلهاش بقى يلا روح خد شاور
ذهب سليم وجلست ميرا بجانب عشق وهم يتفقن على ماسيفعلوه في بداية الحفل
وبعد عدة ساعات وبعد أن جهزت كلاً من ميرا ونجمة الحفل عشق
دق سليم على الباب واردف : يلا يا عشقي صحابك جم ويلا يا ميرا تميم وملك وصلوا
ميرا : جايين يا حبيبي
نزل سليم ليقف بين الحضور منتظرين عشق وميرا
نزلت ميرا وبيديها عشق ليفغر فاهه الجميع من شدة جمالهم نزلت ميرا الدرجات بهدوء وتوتر عندما لاحظت ان عيون الجميع عليها
نظر لها سليم بدهشه وإبتسامه ف مالكة قلبه وأسرته بذلك الجمال
ارتدت ميرا فستان احمر ضيق من عند الخصر ليبرز جمال وحنايا جسدها ذو فصوص تبدأ من عند الرقبه حتى كاحلها زُينت بحجابها من نفس اللون لتبدو أيه ف الجمال مع بعض المجوهرات البسيطه اللتي زاد جمالها بإرتداء ميرا لها وليس العكس
ولعشق ارتدت هي فستان احمر ذو نفشه من عند خصرها يصل لركبتيها كُتب عليه من الخلف بماء الذهب اسمها ليتلائم مع خصلات شعرها الذهبي الناعم
وعند تلك النقطه تحرك سليم من شروده في جمال معشوقته واتجه لهم وهم في منتصف  الدرج ليمسك بخصر ميرا بتملك يلصقها به ويحجب عن أعين الحاضرين رؤيتها
سليم بهمس : ايه الي انتي لابساه ده يا ميرا ينفع كده؟
ميرا : عشق هي الي صممت والله يا حبيبي عشان نلبس انا وهي نفس اللون لولا كده انا كنت هلبس الفستان الي جبناه انا وانت
سليم : ده ضيق اوي يا ميرا اطلعي غيريه
ميرا : ولا ضيق ولا حاجه يا سليم يا حبيبي انت الي بتركز اوي إنما باقي الناس مش هتبص اصلا.. عارف ليه... عشان انا حرم سليم كريم الغندور
ابتسم هو ثم اردف : هعديهالك بس خدي البسي ده
وخلع سترة بدلته السوداء ليبقى بقميصه الأسود وبنطاله الأسود ليزداد جماله
ميرا : لا والله يا سي سليم اتغطى انا وانت بقى تقلع وتبان عضلاتك وحلاوتك وتتعاكس ولا تتشقط مني
ضحك سليم بقوه : ياميرا انتي الي بتركزي غير كده محدش هيبصلي اصلا عارفه ليه... عشان انا زوج الدكتوره ميرا جاسر... وهي الوحيده الي ملكت قلبي واتربعت على عرشه
ابتسمت ميرا بحب : خلاص ماشي بس ماتتحركش من جنبي
انتبه كلاهما ان عشق ليست ف الجوار ليبحث عنها سليم بعينيه حتى وجدها ليتنهد براحه سرعان ماتبدل تعبير وجهه للغضب واتجه اليها مهرول
نظرت ميرا لما ينظر له لتشهق بفزع عندما رأت عشق ممسكه بيد ايهم ذلك الطفل الذي يكبرها بسنه واحده ذو الستة أعوام وترقص على أنغام احدى الأغاني وهو يضحك لها
ميرا : استر يارب استر
سليم بصراخ حاول جعله هادئاً : عشققق
عشق بفزع : نعم يا بابي
سليم وهو ينتشل يدها من يد ايهم : مين ده
عشق : ده ايهم
سليم : امشي يلا من هنا ومشفش وشك تاني وحسك عينك اشوفك بتكلمها ولا تبصلها حتى سامع
ايهم بخوف : انا صاحب عشق يااونكل
سليم بغضب : ولا متستفزنيش يلا امشي من هنا
ايهم : ح.. حاضر.
وركض الطفل بعيداُ
عشق وقد اغرورقت عينيها بالدموع : ليه كده يا بابي
سليم وقد حن قلبه لينحني أمامها ويردف : بصي يا عشقي احنا يا روحي مسلمين مينفعش البنت القموره الي زيك يا روح بابي تتكلم مع اولاد عشان تبقى محترمه وكمان قموره الناس لما يشوفوها هيقولوا ماشاء الله دي البنت دي حلوه اوي بس لو اتكلمتي مع اولاد وصاحبتيهم ورقصتي قدامهم كده الناس هتقول دي مش محترمه... ومينفعش حد يقول عليكي كده عشان انتي عشق سليم الغندور يا عشقي وأهم من الناس بقى ربنا بيبقى شايفنا احنا بنعمل ايه لو شافك بتعملي كده هيزعل منك بس لو شافك محترمه هيحبك اوي ويدخلك الجنه ... ها ايه رأيك تحبي الناس تقول عليكي ايه وربنا يحبك ولا لا
عشق بإقتناع : انا عايزه ربنا يحبني عشان ندخل الجنه كلنا وعايزه الناس تقول ان عشق محترمه... ومش عايزاك تزعل مني يابابي
ابتسم سليم واحتضنها : مش زعلان منك يا قلب بابي
لتبادله هي الأخرى العناق وميرا خلفهم تنظر إليهم بحب بعد أن استمعت لحديث سليم
قطع تلك اللحظه بداية اغنيه بيوم ميلاد عشق الخامس وتلك كانت مفاجأه سليم لها
عشق بفرحه وهي تقفز في أحضان سليم : باابي الاغنيه بتقول كلمات عني انا
ضحك سليم : ايوه ياروحي دي بتاعتك
تجمع الجميع حول عشق ليبدا الهتاف بإسمها وسط سعادة الجميع بها تلك الطفله المعجزه

انتهى الحفل ليتبقى ملك وتميم ويامن ابنهما وعاصم ونهله
تميم : تعالي يا عشق.. مش بتقعدي مع يامن ليه يا قلبي هو مزعلك؟
عشق وهي ترمق يامن بغضب: لا عشان هو رخم بيقعد يقولي اسمعي كلامي انا أكبر منك
سليم : متدايقهاش يالا بدل ماازعلك انت وابوك
يامن : انا مزعلتهاش انا بس بقولها متقفش مع ايهم وقلتلها ان فستانها قصير قامت زعلت
ملك بضحك : انت بتغيير عليها.. يادبلة الخطوبه عقبالنا كلنا
سليم : ابدا مياخدهاش ابدا
ملك : ليه ياعنيا انت هتلاقي زي يامن فين
سليم : واحد ابن تميم الأهبل وملك العبيطه اكيد هيطلع متخلف
ميرا : اوبااا لا استوب لحد كده هتتشاكلوا وانا قاعده ولا ايه يولاد عيب كده
قهقه الجميع ونظرت عشق بعدم فهم للموقف

_____________________________________

ومن هنا اقدر اقول خلصت انفصام نفسي وخلصت أحداثها
تعبت فيها اوي بس خلصت على خير فخوره بيها زي باقي رواياتي
سيبولي رأيكوا الصريح هنا
واشوفكوا بإذن الله ف روايه جديده قريباً