သူ့ရှေ့မှာသူလုပ်ထားတဲ့မကောင်းမကန်းဆန်ပြုတ်ကို ကြိုးစားသောက်ပေးနေတဲ့သူကို သူကြည့်နေသည်။ ကိုယ်ပင်ပန်းခံပြီးလုပ်ပေးထားတာမို့ စားတဲ့သူကအသိအမှတ်ပြုတဲ့အခါ ကြည်နူးမှုကရင်ထဲတသိမ့်သိမ့်စီးဆင်းသည်။ သူကြည့်နေတာကြာသွားလို့ထင် ဆန်ပြုတ်ငုံ့ပြီးသောက်နေတဲ့သူကမော့ကြည့်လာခါမှ သူမျက်နှာနွေးခနဲ အကြည့်လွှဲလိုက်ပြီး
"ဘယ်လိုလုပ်ပြီးဖျားရတာလဲ "
"မနေ့က တစ်ခြားCEO တွေနဲ့ party လုပ်တာလေ နောက်ကျသွားတာနဲ့ ခေါင်းကိုမသုတ်လိုက်မိလို့ထင်တယ်"
"ခင်ဗျားဒီအသက်အရွယ်ရောက်နေပြီလေဗျာ ခေါင်းခြောက်မှအိပ်ရမယ်ဆိုတာမသိဘူးလား"
မော်ကွန်း သူ့ကိုကလေးလိုဆူနေတဲ့ကောင်လေးကိုမကျေနပ်သလိုပြန်ကြည့်လိုက်ရင်း
"သိပါတယ် တော်တော်ပင်ပန်းနေတော့ အိပ်ပျော်သွားတာ"
"ပင်ပန်းရအောင် ဘယ်လောက်တောင် ကောင်မလေးတွေနဲ့ပျော်ပါးလာတာမလို့လဲ"
"ဘာလဲ မင်းကသိချင်လို့လား"
"မသိချင်ပါဘူးနော် ခင်ဗျားသာကမြင်းကြောမထခဲ့ရင်ကျွန်တော်လည်းအခုလို လာပြီးလူနာစောင့်နေစရာမလိုဘူး"
"ဒီကလည်းအတင်းအကျပ်ဆွဲမထားပါဘူးနော် မင်းပြန်ချင်ရင်ပြန်"
နေမကောင်းတဲ့သူကစိတ်တော့ကောက်နိုင်သေးသည်။ သူနည်းနည်းလောက်ပြောလိုက်တာနဲ့ ဆန်ပြုတ်ကိုမစားတော့သည့်ပုံစံနဲ့ ဟိုဘက်ကိုတိုးလိုက်သည်။
"ဆန်ပြုတ်ကတော်ပြီလား"
"မတော်သေးဘူး"
ခွန်းသူ့ရှေ့ကလူကိုကြည့်လိုက်ရင်း ဆန်ပြုတ်ပန်းကန်ကိုရှေ့ကိုပြန်တိုးပေးလိုက်ရသည်။ ဒီလူအသက်နဲ့မလိုက်အောင်ကို ကလေးဆန်တာပဲ။၅နှစ်သားလေးကြနေတာပဲ။
"ဆေးသောက်ရမှာ တို့စိတို့စိသောက်မနေနဲ့"
"ဘယ်သူကတို့စိတို့စိသောက်လို့လဲ"
"စကားမများပဲနဲ့သောက်စမ်းပါဗျာ အေးကုန်ရင်မကောင်းဘူး"
YOU ARE READING
ID-entity (Completed)
RomanceA romantic love story with no drama! မယုံကြည်ဘူးလို့ပြောတဲ့အခါမြှားနတ်မောင်ကရယ်တယ် ရူးမိုက်ရတာမကြိုက်တဲ့သူကိုမှ အငြှိုးနဲ့ပေးတဲ့သင်ခန်းစာဟာ ရူးရူးမိုက်မိုက်ပါပဲ အမည်နာမတစ်ခုက ကိုယ့်ကမ္ဘာဖြစ်လာတဲ့အခါ နေခြည်တွေဟာသူပြုံးမှနွေးတဲ့အကြောင်း.. Publish dat...
