တီးတောင် တီးတောင်နဲ့ဘဲလ်တီးသံကြားနေရသည်မို့ စိုင်းမခလျှံရုတ်တရက်တော့ကြောင်သွားသည်။ ခွန်းဆိုရင် လျှို့ဝှက်နံပတ်ကိုသိတာကို ဘဲလ်တီးနေမှာမဟုတ်။ သူတံခါးအပေါက်သေးသေးလေးကနေချောင်းကြည့်တော့ ဒေါက်တာဗညားသင်္ချေ။သူအလျင်အမြန် တံခါးကိုဖွင့်ပေးလိုက်ရင်း
"အကိုဗညား ဘယ်ကနေရောက်လာ"
"Ohaiyo စိုင်း"
"O..Ohaiyo "
ဗညားက သူ့လက်ထဲမှာပါလာတဲ့ အထုပ်တွေကိုပြလိုက်ရင်း
"စိုင်းမနက်စာမစားရသေးဘူးဟုတ်"
"ဟုတ် မစားရသေးပါဘူး"
"ဒါဆိုအကိုနဲ့အတူတူစားရအောင်နော်"
"ဟုတ်ကဲ့ ရပါတယ် ဒါနဲ့အကိုက မနက်စာစားဖို့လာတာလားဗျ"
"အဲတာတစ်ခုထဲတင်မဟုတ်ဘူး စိုင်းရဲ့သူငယ်ချင်းက မော်ကွန်းနေမကောင်းတာကိုစောင့်ပေးရမှာမလို့လေ အကိုကလဲဖို့အိင်္ကျီတွေလာယူတာ"
"အကိုမော်ကွန်းက အကို့သူငယ်ချင်းမဟုတ်ဘူးလား"
"ဟုတ်တယ်လေ"
"အဲတာဆို ဘာလို့ခွန်းကစောင့်ပေးရမှာလဲဗျ"
"ဘာလို့လဲဆိုတော့အကိုကမစောင့်ချင်လို့ပေါ့ "
"ဗျာ"
"အာ ဒီလိုရှိတယ်လေ အကိုမနေ့ကတစ်နေ့လုံးခွဲစိတ်ခန်းထဲကိုဝင်နေရတာ အဲတာကြောင့်ပင်ပန်းနေလို့ ဒါနဲ့အကို့ကိုအိမ်ထဲတောင်မခေါ်တော့ဘူးလားဟင်"
"အာ ဟုတ်ကဲ့လာပါဗျ"
သူ့ရှေ့မှာခပ်သုတ်သုတ်ဝင်သွားတဲ့ကောင်လေးကတော့ ဘာလုပ်လုပ် ပြုလုပ်လိုက်သောအပြုအမူတိုင်းက သူ့ကိုပြုစားခြင်းအတိပြီးသည်။ယဥ်ယဥ်ကျေးကျေးပြောတတ်တာကိုလည်းချစ်ရပြန်သလို သူ့ကိုလေးလေးစားစားဆက်ဆံတိုင်း ရင်မှာကြည်နူးမှုနှင့်အတူ အချစ်တွေစီးဆင်းနေသည်မှာတသိမ့်သိမ့်။
ကောင်လေးကခေါ်ပြီးတော့ အိမ်ထဲရောက်တော့သူ့အခန်းကိုပြဖို့ရှက်နေသလိုလိုရှိသေးသည်။ပစ္စည်းတွေကိုဟိုကောက်ရွှေ့ဒီကောက်ရွှေ့လုပ်နေပြီးမှ သူ့ကိုဆိုဖာပေါ်မှာထိုင်ခိုင်းသည်။
YOU ARE READING
ID-entity (Completed)
RomanceA romantic love story with no drama! မယုံကြည်ဘူးလို့ပြောတဲ့အခါမြှားနတ်မောင်ကရယ်တယ် ရူးမိုက်ရတာမကြိုက်တဲ့သူကိုမှ အငြှိုးနဲ့ပေးတဲ့သင်ခန်းစာဟာ ရူးရူးမိုက်မိုက်ပါပဲ အမည်နာမတစ်ခုက ကိုယ့်ကမ္ဘာဖြစ်လာတဲ့အခါ နေခြည်တွေဟာသူပြုံးမှနွေးတဲ့အကြောင်း.. Publish dat...