မယုံနိုင် သေးဘူး ရှောင်းကျန့်ဆိုတဲ့သူက ''Bunny´´ဆိုတာကို။ကိုယ်ချစ်တဲ့သူနဲ့ ငယ်ငယ်ကစွဲလမ်းခဲ့ရတဲ့သူ တစ်ယောက်တည်းဖြစ်နေတယ်ဆိုတော့ ရိပေါ်အပျော်ကြီးပျော်နေမိသည်။ မနေ့က ပန်းခြံကနေ အိမ်ကို ရှောင်းကျန့်ကပင် ပြန်လိုက်ပို့ပေးသွားသည်။
မနက်အစောကြီး ရေမိုးချိုးပြီး တက်ကြွနေတဲ့ရိပေါ်က အကျီဝတ်သည့်နေရာ၌ အချိန်အတော်ယူနေပုံပင်။ဝတ်လိုက် ချွတ်လိုက် အသစ်ဝတ်ကြည့်လိုက် မှန်ထဲ ပြန်ကြည့်လိုက်နဲ့ ကုတင်ပေါ်မှာလဲ အကျီတွေပွဆလန် ကျဲနေပြီ။အခုထိစိတ်တိုင်းကျ အကျီမတွေ့သေး။
ဒီနေ့ first date မလို့ အရင်ကထက်ပိုချောနေရမယ်။ဘာဝတ်ဝတ်ချောတာသိပေမဲ့ ပိုလိုက်တဲ့အကျီလေးဝတ်ရင်ပိုချောသွားမယ်မလား။နောက်ဆုံးတော့ ရိပေါ်စိတ်တိုင်းကျ အကျီဝတ်လို့ပြီးသွားတယ်။အောက်ခံတီရှပ်ဖြူလေးအရင်ဝတ်ပြီး အပေါ်ကနေ လိမ္မော်ရောင်အစင်းကျားလက်ရှည်ထပ်ဝတ်လိုက်သည်။
မှန်ထဲကိုသေချာကြည့်ကာ ဆံပင်ကိုရှေ့ကိုချပြီးအနည်းငယ်ခွဲတယ်။အကျီကော်လံကိုသေချာလုပ်ပြီး မှန်ထဲကရိပေါ်ကိုလက်မထောင်ပြကာ
"Prefect boy!"
ခြံထဲမှာအရှေ့လျှောက်လိုက်အနောက်လျှောက်လိုက်လုပ်နေ
သည့်ရိပေါ်က ရှောင်းကျန့်ကားကိုမြင်တော့ အိမ်ထဲတန်းပြေးဝင်သည်။
"ဟက် သြော် ဒီကလေး ပြာယာကိုခပ်နေတာဘဲ"
အိမ်ပေါ်ပြေးအတက် မီးဖိုခန်းထဲကထွက်လာတဲ့ဝမ်မားနဲ့တိုက်မိမလိုဖြစ်သည်။ဝမ်မားကို "ဟီး"ဆိုပြိိး သွားလေးစိကာရယ်ပြကာအပေါ်ပြေးတက်သွားသည်။ဒီကလေး ဘယ်လိုဖြစ်နေတာလဲ။
"ဝမ်မား နေကောင်းတယ်နော်"
"သားကျန့် ပါလား ကောင်းပါ့ရှင်...အလည်လာတာလား"
"ဟို..ကောင်လေးကို အပြင်သွားဖို့ လာခေါ်တာ"
ဂုတ်ပိုးလေးကိုပွတ်ရင်း ခပ်ပြုံးပြုံးဆိုသည့်ရှောင်းကျန့်ကို
ကြည့်ကာ ဝမ်မားကပြုံးသည်။
"သားညီ ခုလေးတင်အပေါ်ထပ်ကိုပြေးတက်သွားတာဘဲ"
အကွယ်ကနေ ချောင်းကြည့်နေသည့်ရိပေါ်က ဆံပင်ကိုတစ်ချက်သပ်ကာ ဆင်းလာသည်။ ရိပေါ်က လူကြီးပုံစံလေးဖမ်းထားပေမဲ့ ရှောင်းကျန့်မျက်လုံးထဲမှာ ဖျစ်ညှစ်ချင်စရာ ကလေးလေးပင်။
YOU ARE READING
Candy love ( Completed )
Fanfictionအချစ်ဆိုတာသကြားလုံးလေးလိုဘဲချိုမြိန်တယ်~ Candyလုံးလေးတွေထက်မင်းရဲ့နှုတ်ခမ်းကပိုချိုတယ် Bunny!! #Wang yibo အခ်စ္ဆိုတာသၾကားလံုးေလးလိုဘဲခ်ိဳၿမိန္တယ္~ Candyလံုးေလးေတြထက္မင္းရဲ့ႏႈတ္ခမ္းကပိုခ်ိဳတယ္ Bunny!! #Wang yibo
