.
~~ ဟွာလီရဲ့ ပါးပြင်နုနုလေးတွင် ပူဆွေးမျက်ရည်များက စီးကျနေသည်မှာ ဆည်ရေကန် တာကျိုးနေသည့်အလား..လီဝေ့သည် စိုးရိမ်စွာမေးလိုက်ပါ၏။
"ဟွာလီ..ဘာလို့ငိုနေတာလဲ"
တစ်ဦးတည်းသောသူလေး ရဲ့ မျက်ရည်များကို သုတ်ပေးကာ ထွေးပွေ့ချင်သောစိတ်ဖြင့် ဟွာလီရဲ့လက်အား လှမ်းဆွဲလိုက်ပါသည်။
သို့သော် ချစ်ရသူရဲ့ လက်ကလေးကို အဘယ်နည်းနှင့်မှ ဆုပ်ကိုင်၍မရ။ လီဝေ့ ကြိုးစားကာဖမ်းဆွဲနေပါသော ဟွာလီလက်ကလေးလေးကို ထုတ်ချွင်းသာပေါက်လျက် လေထုကိုသာ အကြိမ်ကြိမ်ဆုပ်ကိုင်နေမိ၏။
လီဝေ့သည် နှလုံးသည်းပွတ်တို့ မီးမြိုက်ခံနေရသလို ပူလောင်နေပီး။ ဘယ်ဘုံကမှန်းမသိရောက်လာသော မျက်ရည်စများက မျက်ဝန်းထောင့်စွန်းတို့၌ ဖြစ်တည်လာရကာ ပါးပြင်တစ်လျှောက်စီးကျလာတော့သည်။
ထိုစဥ် ဟွာလီ စကားဆိုလာ၏။
"မရဘူး.."
လီဝေ့သည် ထိတ်လန့်စိုးရိမ်စွာ..
"ဘာ..ဘာလို့လည်း.. ကိုယ့်စီလာပါ ကလေးရယ်..ကိုယ့်စီလာလေနော်.."
ဟွာလီသည် တုန်ရီနေပါသော အသံဖြင့်..
" ဟွာလီ..သွားရတော့မယ် "
တစ်ချိန်ထဲမှာပင် တာကျိုးလာသော မျက်ရည်များနှင့်အတူ ဟွာလီရဲ့ ခန္ဓါကိုယ်လေးသည်လည်း တဖြည်းဖြည်းမှေးမှိန်လာရကာ ပျောက်ကွယ်လုစဲအခိုက်တန့်၌ လီဝေ့သည် အမှီ လှမ်းကာ ပွေ့ဖက်လိုက်ပါ၏။
သို့သော်ငြား.. လီဝေ့ရင်ခွင်ထဲမရောက်ခင် ဟွာလီသည် ရာချီသော လင်းလက်နေသည့် ငွေရောင် လိပ်ပြာလေးများအဖြစ်သို့ပြောင်းလဲသွားကာ ကောင်းကင်သို့ လေပြေနှင့်အတူပျံတက်သွားသော ထိုလိပ်ပြာလေးများအသွင်ဖြင့် ပျောက်ကွယ်သွားလေတော့သည်။
လီဝေ့သည် ထိုမြင်ကွင်းကိုမြင်လိုက်ရပီး အခိုက်တန့်တွင် ဒူးထောက်လဲကျ.. မြေပြင်နှင့် ဦးခေါင်းကိုတိုက်လျက် သွေးရူးတန်းရူး စတင် ငိုကြွေးလေပြီး..
YOU ARE READING
The Secret Of Royal Garden🦋🔞(Completed)
Historical Fictionမိခင်မေတ္တာ အပြည့်ဝမရခဲ့သော မင်းသား လီဝေ့..... ဖခင်ဖြစ်သူရဲ့ ဆန္ဒအတိုင်း စစ်ရေးစစ်ရာ တွေသာသင်ကြားရင်း.....တစ်နေ့......ဝါသနာပါသောစာပေကိုလေ့လာဖို့..မိခင်နေထိုင်ခဲ့သောချယ်ရီပန်းဥယျာဉ်တော် အဆောင်တွင်နေထိုင်စဉ်.... ထိုဥယျာဉ်တော်ကြီးရဲ့ လျှို့ဝှ...