ယောက်ျားလေး သန္ဓေတည်ခြင်းကုထုံးအကြောင်းကို ဆွေးနွေးပီးတဲ့နောက် ရှင်းဖု နှင့် ရင်း တို့သည် ထိုတစ်ညတာကို ဆရာဖိုးဖိုးအိမ်တွင်သာ တည်းခိုခဲ့ကြသည်။
အမှောင်ထုဖုံးနေသော ထိုပတ်ဝန်းကျင်ဝယ် လူအပေါင်းတို့ တိတ်ဆိတ်ငြိမ်သက်စွာ အိပ်စက်နေကြပီ။ သို့သော် ဖယောင်းတိုင်းမီးမငြိမ်းသေးသော အခန်းမှာ ရှင်းဖုရဲ့ အခန်းသာဖြစ်လေ၏။
ညအိပ် ဝတ်ရုံ အဖြူရောင်းပါးပါးလေးတစ်ထည်သာ ဝတ်ဆင်ထားကာ စည်းနှောင်ထားခြင်းမရှိသော ဆံနွယ်များက ပုခုံးထက် ငြိတွယ်ရှည်စင်းနေလျက်
အေးမြသော ညချမ်းနဲ့ဆန့်ကျင်စွာ ရှင်းဖုရဲ့ စိတ်နှလုံးကတော့ ပူလောင်နေခဲ့သည်။
မျက်စိရှေ့က စာအုပ်တွင် တူညီသော စာမျက်နှာ တစ်ခုတည်းကိုသာ အချိန်ကြာမြင့်စွာ စိုက်ကြည့်နေခဲ့ပီး အဓိက သော့ချက်ဖြစ်သော "ယောက်ျားကိုယ်ဝန်ဆောင် အား ကုထုံးနည်း"ဟူသော စာပိုဒ်ကိုပင် အကြိမ်ကြိမ် စိတ်ထဲ ရေရွတ်နေမိ၏။
ထိုစာပိုဒ်ထဲက အကြောင်းရာကို ဖတ်လေ ရှင်းဖုမှာ စိတ်နှလုံးမွန်းကြပ်လာရပီး ဘယ်အရာကို လုပ်ကိုင်သင့်သလဲ ဆိုတာကို ဝေခွဲမရချေ။ သက်ပြင်းရှိုုက်လျက် စာအုပ်ကို ပိတ်လိုက်ပီး လေကောင်းလေသန့်ရှူကာ စိတ်ဖြေဖျောက်ရန် ဆုံးဖြတ်လိုက်တော့သည်။
ဆရာဖိုးဖိုးသည် သာမာန်လူတန်းစားဖြစ်သောကြောင့် အိမ်ရဲ့ ခြံဝန်းကလေးမှာ ကျဥ်းလှ၏။ ရှင်းဖု အရှေ့ နောက် ခေါက်တုန့်ခေါက်ပြန်လျှောက်ဖို့ရန်ပင် နေရာမရှိ။ ထို့ကြောင့်ပင် အနီးနားပတ်ဝန်ကျင်သို့ လမ်းလျှောက်ထွက်ခဲ့သည်။
ဦးတည်ရာမဲ့ ခြေလှမ်းတွေနဲ့အတူ အတွေးလွန်ကာ နာရီဝက်ခန့်ကြာတော့မှ ရှင်းဖုသည် ဘေးဘီဝဲယာကို သတိပြုမိ၏။
မရင်းနီးသော လမ်းကျိူလမ်းကြားနှင့် မှိန်ပြပြလရောင်အောက်ဝယ် ချမ်းအေးစေသော လေစိမ်းအေးအေးလေးတွေ ဖြတ်သန်းလာတော့မှ ရှင်းဖု သတိထားမိသည်။ အပေါ်ခြုံလွှာ ဝတ်ဆင်ဖို့ မေ့ခဲ့လေပြီ။ မတတ်နိုင်တဲ့အဆုံး လက်ဖဝါး ၂ဖက်ကို ပွတ်ကာ နွေးထွေးအောင် ပြုလုပ်ရင်း လှည့်ပြန်မည် အပြု မိမိ တစ်ကိုယ်လုံးက နွေးထွေးသွားရသည်။
YOU ARE READING
The Secret Of Royal Garden🦋🔞(Completed)
Historical Fictionမိခင်မေတ္တာ အပြည့်ဝမရခဲ့သော မင်းသား လီဝေ့..... ဖခင်ဖြစ်သူရဲ့ ဆန္ဒအတိုင်း စစ်ရေးစစ်ရာ တွေသာသင်ကြားရင်း.....တစ်နေ့......ဝါသနာပါသောစာပေကိုလေ့လာဖို့..မိခင်နေထိုင်ခဲ့သောချယ်ရီပန်းဥယျာဉ်တော် အဆောင်တွင်နေထိုင်စဉ်.... ထိုဥယျာဉ်တော်ကြီးရဲ့ လျှို့ဝှ...
