«الله يحرقكم مش وقت عركات هنسقط مش فاضيين»
حركة نظره تجاه الأول "محمد" صائحاً بغيظ :
«بطل تستفزه عشان لو نفخ فيك هيطيرك اصلا وانت اصلاً مفيش فيك عضمة سليمة.»
ثم حرك نظره تجاه الثاني "آدم" مكملاً :
«وانت بطل تضرب شبه التور كدا.. الواد هيروح في ايدك...
أبعد نظره عن الباب ونظر لها وهو يبتسم ببلاهة مجيباً إياها :
« خالد قالي أخرس لحد ما يدخل »
« خالد مين؟»
«اللي طفش آخر عريس لندى »
قالها بتلقائية جعلت عينيها تتسع أكثر وأكثر كـ حال خالد الذي صاح بصدمة :
« يخربيييييييييييتك !! »
توتر وليد أكثر وأكثر فصاحت ناهد به :
« بقولك ايه ما تجيبلي حد عاقل اتكلم معاه ؟ فين مامتك وباباك؟ »
« لا ما هما ميعرفوش اني جاي ولا أنا كنت اعرف اني جاي دا خالد اللي جايبني من قفايا لحد هنا»
رمقته بصدمة بينما نفذ صبر خالد وصرخ به :
« قسماً عظماً ياوليد لو فتحت بوقك لحد ما ادخل لأفتح دماغك وخلي حد يفتحلي الزفت الباب »
تحمحم وليد وهو يعتدل بجلسته ثم أشار تجاه الباب فعقدت ناهد حاجبيها بتعجب تسأله :
« ايه؟؟»
أشار لها مجدداً تجاه الباب وهو يحرك يده بحركات عجيبة فقطبت جبينها وهي تسأله مجدداً بتعجب :
« أنت أخرس ولا ايه ؟ »
« ماهو متحاوليش تخليني اتكلم لأني مش هتكلم !! .. أنا أموت ولا اني أوقع حلفان صاحبي .. »
صمت فجأةً يستوعب حديثه ثم ابتسم بغباء مكملًا :
« شيت أنا وقعته فعلاً !! »
Oops! This image does not follow our content guidelines. To continue publishing, please remove it or upload a different image.
______
عارفه اني اتأخرت في تنزيل البارت بس اعذروني .. جموسة تايهة في بحر التعليم وراها خمسميت امتحان وعشروميت مراجعة ومش مستوعبة اي شيء بيحصل حواليها حرفياً بس اول ما اخلصه هنزله بإذن الله .
+ ماترجعوا للفصول اللي فاتت على السريع كدا وتشوفوا اللي معملتوش ليه فوت " تصويت" وتعملوا مش هياخد منكم خمس ثواني . 🌚
