متنسوش الفوت وتعليقاتكم قبل القراءة 😂💜
___
«أنت ياابني مش قولت لنا هنروح أم الكورس اللي شاركت لنا فيه؟ »
تسائل وليد الذي يسير جوار خالد بعد أن جلب كلاهما كل ما يحتاجانه لحفل الغد فردّه خالد ببساطة :
«اه ما احنا رايحينه!»
«رايحينه ايه دا طريق كنتاكي!»
«ماهو كورس تغذية»
قالها خالد وقهقه بشدة فرمقه وليد بوجوم فلم يترك خالد الفرصة له وسارع بالاكمال :
«ماهو ياابني لازم تتغذي دا أنت داخل على جواز بدل ما أنت عامل شبه الجثة كدا على رأي ماما ناهد »
«ياعم اسكت جواز ايه دا أنا متنكد على أمي والنهارده الصبح رزعتني بلوك واتس محترم قومت رازعها بلوك فيس أكثر احتراماً»
قالها وليد بوجوم فضحك خالد يردّه بسخرية :
«والله ياابني أنا ماعرف انتوا هيتكتب كتابكم بكره ازاي، دا انتوا تكة وهتجيبوا بعض من شعركم»
« لا ما أنا هسيطر بقى دا انت متعرفنيش! معنديش في السيطرة ياما ارحمين..»
لم يكمل جملته حيث اصطدم بفتاة أثناء دخوله للمطعم وسقطت الأكياس التي يحملها من يده وكاد يتحدث ولكنه صُدم عندما وجد أحمر الشفاه الذي تضعهُ الفتاة قد طبع على قميصه الأبيض فتوسعت عينيه يصيح بصدمة :
« الله يخربيتك هتوديني في داهية»
اخفضت الفتاة عينيها تجاهه قميصه ومن ثم رفعت عينيها تتمتم ببساطة :
«سوري»
«سوري ايه وزفت ايه الله يحرقك مراتي لو شافته هتطلع عين أهلي وأهلك وتقولي أنت بتخوني وهي بتتلكك اصلاً»
انفجر خالد ضحكاً وترك الأكياس التي يحملها وفي لمح البصر اخرج هاتفه وقام بالتقاط صوره لوليد الذي لم يره حتى وإنما أخرج هاتفه وجاء بحساب ندى ليحادثها بمكالمة مرئية وما إن أجابت وكاد يتكلم توسعت عينيه ما ان لمحت قميصه تصيح بصدمة :
«ايه دا أنت بتخوني ياوليد؟»
«تصدقي بالله أنا حتى مش قادر اخونك، كرهتيني في أم الصنف وبعدين هو أنا قادر عليكي عشان اجيب غيرك! ياستي اتهدي بقي والله حرام عليكي»
زفر بغضب في نهاية حديثه فهدأت ندى قليلاً وتسائلت بهدوء :
«اومال ايه اللي على كتفك دا؟ كنت بتشتريلي روچ وبتجربه على كتفك؟ »
« ما انا متصل عليكي عشان عارف تفكيرك القذر وقبل ما تفكري أنا كنت ماشي واتخبطت في الآنسة دي فانطبع على قميصي زي ما أنتِ شايفه كدا»
BẠN ĐANG ĐỌC
المُربع"مكتملة."
Hài hước«الله يحرقكم مش وقت عركات هنسقط مش فاضيين» حركة نظره تجاه الأول "محمد" صائحاً بغيظ : «بطل تستفزه عشان لو نفخ فيك هيطيرك اصلا وانت اصلاً مفيش فيك عضمة سليمة.» ثم حرك نظره تجاه الثاني "آدم" مكملاً : «وانت بطل تضرب شبه التور كدا.. الواد هيروح في ايدك...
