[Unicode]
ဆောင်းဦးရောက်ခါစ နံနက်ခင်းရဲ့လေထုက
အနည်းငယ် ချမ်းစိမ့်စိမ့်ရိုက်ခတ်နေသည်
ဆယ်ဟီးနဲ့ ပြဿနာပေါင်းသောင်းခြောက်ထောင်တက်ပြီး team projectကြီး ပြီးဆုံးသွားတာကြောင့် စိတ်က တော်တော်လေး ပေါ့ပါးသွားရသည်
သူမနဲ့ ထပ်ပြီး ဘယ်တော့မှ
မျက်နှာချင်းမဆိုင်ရပါစေနဲ့တော့...
ဒီရေစက် ဒီလောက်နဲ့ပဲ ကုန်ပါတော့...
အတန်းထဲ မရောက်ခင် အဆောင်ရှေ့မှာ
ရပ်နေတဲ့ တစ်စုံတစ်ယောက်ကို မြင်လိုက်ရတယ်ဆိုရင်ပဲ ကိုယ့်ရဲ့ နံနက်ခင်းက ပြီးပြည့်စုံသွားရတော့သည်
ခေါင်းအစ ခြေအဆုံး အပြစ်ပြောစရာတစ်ကွက်မှမရှိအောင် ခန့်ညားလွန်းတဲ့ ဂင်ထယ်ယောင်းက ကိုယ့်ရဲ့ ကောင်လေးဖြစ်သွားပြီဆိုတာ အခုထက်ထိ အိပ်မက်ဆန်နေတုန်း
တကူးတက ကိုယ့်ကို လာစောင့်နေပေးတာကြောင့် ပီတတွေဖြာပြီး ဘယ်လိုမှ မျက်နှာပိုးမသတ်နိုင်တော့
အဝေးကို ငေးနေရာကနေ ကိုယ့်ကို တွေ့သွားတဲ့အခါ အဲ့ဒီအေးစက်နေတဲ့မျက်နှာကြောက ချက်ချင်းဆိုသလို ပြုံးလို့သွားသည်
အဲ့ဒီအပြုံးက တစ်ကျောင်းလုံးကို တောက်ပသွားစေတဲ့အထိ လှလွန်းပါသည်
ကိုယ်ဟာ သူပြုံးရတဲ့
အကြောင်းအရင်းတစ်ခု ဖြစ်လာနိုင်ခဲ့ပြီပေါ့
အမြန်ဆုံး အနားကို သွားပြီး အဲ့အပြုံးတွေကို
တဝကြီး ငေးပစ်ဖို့ ကြံရွယ်လိုက်ရုံရှိသေး
"ဂျူဒါ...လီဂျူဒါ"
ပြဲလန်စွာ အော်ခေါ်ရင်း ဝှစ်ခနဲ ရောက်ချလာတဲ့ ဆူဘင်ကြောင့် ခြေလှမ်းတွေ ဆန့်တငင်ငင်ဖြစ်သွားရသည်
ဟုတ်သားပဲ...ကိုယ် ဆူဘင့်ကို မေ့နေခဲ့တာပဲ
ဟိုတစ်နေ့ကမှ လောလောလတ်လတ် ရသွားတဲ့ ကိုယ့်ရဲ့ရည်းစားက ဂင်ထယ်ယောင်းပါလို့ ဖွင့်ဟပြောလိုက်ရင် ဆူဘင် ကိုယ့်ကို မုန်းများမုန်းသွားမလား
သူငယ်ချင်းရဲ့crushကို ဖြတ်ခုတ်ပစ်တဲ့
မကောင်းတဲ့မိန်းမကြီးအဖြစ် အစွပ်စွဲခံရမလား
YOU ARE READING
A Flower He Hates
Fanfictionဟိုးရှေးရှေးတုန်းက ပန်းလေးတစ်ပွင့်ရှိခဲ့တယ် ပန်းနုရောင်သန်းပြီး အလွန်မွှေးကြိုင်တဲ့ အလှဆုံး ပန်းလေးတစ်ပွင့်ပေါ့ အဲ့ဒါကြောင့် လူတိုင်းနီးပါးက အဲ့ဒီပန်းလေးကို သိပ်ချစ်ကြပြီး လိုချင်တပ်မက်ကြတယ် ဒါပေမယ့် တစ်ယောက်သောသူကတော့ ပန်းလေးကို အေးစက်စွာ စိုက်ကြ...
