أبو رعب

البارت 8

( أبو رعب )
.. بقلم نورس

....................

تجمدت اطرافي ورجلي حافية وما لابسة جواريب ...

شكول عليج ميسون ..

مرت لحظات وسمعت صوت طكة القفل مال باب ، كمزت بسرعة انفتح الباب وصار بوجهي

مصطفى: مبروك عيني ست لبوة طلعتي إفراج

لبوة: يعني بابا قبل اطلع ؟

مصطفى: لا .. جدي كالي افتحلها الباب وخلي تطلع ، والفضل طبعا يعود لبرنسيس المنطقة

لبوة: وبابا ؟

مصطفى: خاب ومرض شلزكتي بابا وبابا ..  اله اكلج جدي رزلة وكام يصيح عليه وطردة برة البيت

لبوة: عززة صدك لو  تشاقة

مصطفى: لا جذب .. بس تعاي اشوفج شي

اخذني من ايدي وطلعنة للسطح وكمنة نباوع لواجهة البيت .. شفت بابا واكف بالباب ويروح ويجي شكله عصبي هنا ! جان تطلع ميسون انطته علاكة ومدري شحجوا هو وياها و راح ...

دارلي وكال

.. ها صدكتي ؟

هزيت راسي وحجيت

لبوة:  زين شنو هاي العلاكة  الاخذها ؟

مصطفى: شبيج تلكينها انطته ملابس غير راح يديح بالشوارع اليوم

ضليت صافنة معقول جدو طرد ابوي علمودي !!
.. حسيت بفرحة بداخلي برغم هو ابوي بس الموضوع جان عادي عندي

اجاني صوتة

مصطفى: امشي ناكل ميت جوع ترة ما تعشيت

درتلة بصدمة

لبوة: يعني تعشيتوا بدوني ؟؟؟

مصطفى: ام بطن .. لتخافين ما اكلنة سوينة اضراب ع الاكل علمودج

لبوة: والله جذاب

مصطفى: اي خوش

نزلنة ثنينة سوة فاتت من يمي ميسون خزرتني خزرة .. بودها تاكلني بسنونها عافتنة وصعدت فوك

هزيت ايدي ومشيت لكيتهم بعدهم يحضرون عشة ..

خلت مرت عمو أكرم الاكل محد كعد ع الصينية غيرنة .. قسور مختفي ، جدو وبيبي مياكلون بليل وعمو أكرم شايل خشمة عليه ضايج ع العركة
.. وجيهان كابلت ميسون بغرفتها
صايرات صحبة هل ايام

انفتحت نفسي ع الاكل اكثر ..
ماكو بوجهي لا ميسون ولا جيهان

ورة الاكل كعدنة اربعتنة يم جدة واجة مرتضى علينة دوم يوم الجمعة بليل نلتم كلنة من جنة صغار ولهذا يومنة وكعدت جدتي تحجيلنة عن ام كونية .. عود شايلة كونية ولابسة عباية وتغطي وجهة بالعباية حتى محد يعرفهة