أبو رعب

البارت 33

( أبو رعب )
... القسم الثاني
بقلم نورس

......................

اجت تسد الباب بوجهي دفعتها بسرعة وطبيت بالحوش .. كفيت رداناتي واحجي بصوت عالي

لبوة : لا عيني لااا مو على كيفج بيناتنه حساب
لازم نصفي

سميرة: اطلعي برررة لججج .. شتردين جاية ؟ اطلعيي من بيتي

لبوة: اطلع مو تدللين .. بس دتعاي خلي اطلع ضيم كَلبي بيج بالاول

حجيتها وسحبتها من شعرها ووكعت عليها دك كتل .. اني املخ وهي تملخ وصارت من الروس ، صياحها سمع المنطقة كلها ..

جرتني من قميصي شلعت اول دكمتين منه واني صحت

.. بنت ال**** جديد ستوني مشتريته

ملخت شعرها بيدي اجيبها منا ومنا وهي جواي وحاطة ايدها فوك ايدي تريد تفك ايدي من شعرها ..

اعت بيها واحجي وياها بتحذير

لبوة: اسمعي لججج .. اعرف بدكتج السويتيها بيه واعرف منو الراس الجبير الوراج وسدسدلج ، لتخافين هم راح يجي دورها .. والله ثم والله راح تخلص هسه على كم دفرة وضربة لو رجعت وشفتج كبالي اخلي وجهج دماية وكولي ما كالت

دفعتها بالكاع وصرت انكت بملابسي واعدل بيهن .. خليت الشال فوك القميص حتى ليبين ، خلعته خلع الحقيرة

اباوعلها لازمة ايدها بالكاع وتبجي وتغلط .. الشعر مهلس والثوب اللابستة مشكوك من صفحة الكتف ..

اخذت تليفوني وطكيتلها صورة وطلعت بسرعة من البيت

شفت قسور واكف كبالة رجال يجي بكد عمو أسر ويصيح عليه ويهدد

.. وخرررر ترة والله ميصير خيرر

قسور: شجاك لككك شو تهوبز بوجهي .. هاك طكلك جكارة واوكف يمي .. من تتعارك النسوان الزلم متدخل خلينه متفقين عاد احسن ما تكب عندي واكومك هنا بمكانك

حصرتني الضحكة ع كلامة .. جان ضهرة صاير عليه ، صحت عليه .. دارلي

.. هاا كملتي ؟!

ابتسمت وهزيت راسي ..
والرجال ضل يباوعلنه

كله .. اسمع لكك .. لو رجعت اختك وسوت مشاكل وي اهل بيتي بوكتها انه اتصرف وياها وما توكف بعيني لا مرة ولا رجال .. وانت هم شوي اخشن وضب اختك زين غير هل حجي اكعد بالبيت وشدلك كرون يالحرمة

جان لازمة من ياخة قميصة دفعة عنه حيل وكله

..يلا هسه عود طب لبيتك

هو حجة هيج وهذا راح يركض على صوت اخته
.. اشرلي نروح ، صعدنه بالسيارة وقبل ليتحرك اندار عليه وكال

قسور: فوختي كَلبج ؟

لبوة: لا .. لو باقين بعد شوية

قسور: شني بوية .. خذاج الواهس