أبو رعب

البارت 32

( أبو رعب )
... القسم الثاني
بقلم نورس

......................

قسور: ديري بالج ترة الجوة واوي عتيك على عمى عيوني جبتج

لبوة: شنو متعرفني ؟ ترة اني لبوة والنعم

شفت انرسمت شبه ابتسامة على طرف شفايفة خلاني ابتسم لا ارادي وابادلة ،

قسور: والنعم بوية ما حاجين شي .. بس هم ديري بالج واي شي يصير تخابريني

لبوة: ماشي

نزلت اخذت جنطتي وفتت للبيت .. الباب الرئيسي جان مفتوح شوي .. دفعته ودخلت شفت حور بالحديقة

تقربت من وراها بدون لتحس وعطت بعلو صوتي
.. خطية هي شافتني وعاطت .. عاااااااااااا

وكمزت عليه حظنتني

حور: هاي منو جابج ؟

لبوة: قسور

حور: يبووو عبالك صار سنين ما شايفتج شكد الج وحشة البيت ولا ينراد بدونج ..

دنكت راسها وكملت فشلانة

.. وانتي هم اعذريني مكدرت اجي اشوفج ببيت عمة ، امتحانات دك ما منطيني مفكة ديحضرونه للوزاري

لبوة: ادري حبيبتي أهم شي بقينه على تواصل ؟ ولا يهمج انتي بس ركزي على دراستج وانسي الباقي .. بس ليش ما مداومة اليوم

حور: عندي امتحان باجر .. كلت اكعد اقرة احسن واستغل الوكت

.. باوعت للبيت وحجيت

.. منو جوة ؟

حور: بس امي .. بابا يم مرته الثانية

طيرت عيوني بالهوى وزفرت نفس بملل ..

لبوة: تعاي خلي نكعد بالحديقة عندي كومة سوالف الج

كعدنة ع المرجوحة وسألتني

حور: ما كتيلي .. شصار بسالفتج

اخذت نفس وتذكرت كلام قسور ( لتكولين لاحد وخلي سالفة سميرة بيناتنه ) ..

لبوة: ما صار شي على حطت ايدج .. بعدهم يدورون على صاحب الحساب

حور: اهووو وهاي شلون راح تخلص .. زين وكليتج شلون ما ضل شي ع الامتحانات النهائية ، اصلا باخر اسبوع تراكمت عليج هواي غيابات احتمال ينطوج فصل

لبوة: ما اعرف والله محتارة بكليتي .. بس مال ارجع اداوم هاي مستحيل بيا وجه اروح ؟ غير اصير علج بحلك اليسوة والميسوة

حور: بس انتي ما الج ذنب باللي صار

لبوة: الناس الها الضاهر .. قابل راح يعرفون مو اني الحاجية الكلام اللي بالمحادثات ؟ هو كلها بجهة وصورتي اللي ناشرها الحيوان بجهة ثانية