أبو رعب

البارت 16

( أبو رعب )
.. بقلم نورس

.......................

مشيت شوي ليكدام باوعت للأحذية .. ووكفت احسب بيهم كم حذاء حتى ارجع اكول لعمة

لحظات وما حسيت الا انسحب من ايدي وصرت على جهة معزولة من الديوانية .. فتحت عيوني على وسعها انصدمت! لما شفته

لبوة: انت شجابك لهنا !

اني اباوعلة مصدومة وتفاجأت من صار كبالي ولهسه احس ممستوعبة وعلى بالي اتخيل لما شفتة ساكت وصافن بوجهي بملامح متعجبة وهادئة بنفس الوقت

رفعت ايدي تلمست وجهة ونزلت ايدي على شفايفة واتلمس بشواربة ..

شفتة انرسمت على شفتة شبح ابتسامة تزين ثغرة ..

بلعت ريكي بصعوبة ورفعت راسي وخليت عيني بعينة وبسرعة جفلت منه وضميت ايدي لصدري ..

كمت امتمت واني ما اعرف شصارلي
.. عبالك جنت بحلم وكعدت من عندة مفزوعة

حجيت مستحية ومدنكة راسي

لبوة: اسفة مجان قصدي يعني....

قاطعني

قسور: ليش طالعة ؟

باوعتلة بسرعة متفاجأة شفتة عاكد حواجبة
.. نرفزني حجاها بحدة ونترة

هنا تأكدت اني مو بحلم
وهذا هو قسور نفسة اللي عرفتة طول عمري

رديت بوجهة

لبوة: معليك انت

سرعان ما حجيت هيج لزمني من فكي وقرب وجهة يهمس بعصبية وهو صاك على اسنانة

قسور: انه جم مرة كايل هذا الأسلوب انه ما احبه ؟ جرررري عدل يلبوة

حجيت وهو ما زال لازم فكي بقبضة ايدة بقوة

لبوة: واني هم اسلوبك بالأمر وياي معاجبني .. من انت تبدي تعدل اسلوبك وكتها اني اجر عدل

قسور: والله وانه الجان على بالي تعقلين .. طلعتي زايدة قاطين فوك لسانج اليحاجيج كلمة تردينة بعشرة

دفعت ايدة عني وحجيت

لبوة: اللي يرميني بورد ارميه ببارود .. هيج اني الله خالقني

همس بهدوء

قسور: اي جا غير انتي لبوة

ضليت صافنة على حجايتة .. رمقني بنظرة اخيرة وكال

.. اوكفيلي اشوفلج الطارمة خاف بيها زلمة

راح شوي ورجع اخذني وكفني بباب المطبخ فتح الباب وصاح على عمة سهير

سهير: ها ها خيرك ولك .. خبصتنة منا الناس

قسور: واللي يرحم موتاج هاي لتخليها تطلع برررة وفوكاها ما لابسة حجاب وطالعتلي مفرررعة