أبو رعب

تكملة البارت 41

( أبو رعب )
... القسم الثاني
بقلم نورس

.......................

مشيت علكتهن وجاي ادير وجهي لكيت واحد واكف بعيد عني مسافة وبيدة تليفون و صافن يباوعلي

اني هم مدري شبيه تجمدت رجلية ضليت واكفة متحركت

.. وبملابس البيت والشال مشمور شمر على راسي نص شعري طالع وهو حتى منزل عينه يدور وجهة شوية ويرجع يباوع

ضجت حيل .. غميتة بثنين ادية وعفتة ومشيت واني اتلفت ، شفته يضحك

دخلت جوة .. كملنة شغل وكعدنه اكلنه ، لبيت ما لمينة هوسة المواعين كاموا خطارهم متحضرين يردون يرحون

وعمة أميرة لبست عبايتها وطلعت عليهم تريد تشوف اخوتها ..

كمت باوعت عليهم من شباك المطبخ شلون يحضنون بيها وهذا اليبوسها من راسها .. شكد حلوة محنتهم عليها

هناك وانتبهت لهذا اللي شافني برة واكف يحجي وي يوسف ..

اباوع لشكلة ، لابس بنطرون وقميص ابيض .. واكف بكل ثقة وايدة بجيب بنطرونة ويحجي بهدوء

شكلة من هذول المثقفين ..

خطف قسور من يمهم مشى وكف على جهة بالحديقة

عيوني لا إرادي صارت عليه .. الغترة على راسة شغل جكارة ووكف يدخن وطكها صفنة

فزيت من صفنتي على صوت ريناد وهي تهمس

ريناد: خررب عمي باع هذا الصاك

جانت تحجي ع الشاب الجان واكف وي يوسف واللي احتاريت ومعرفته منو .. درتلها

لبوة: تعرفي ؟

ريناد: لا .. بس مبين من كرايب عمة أميرة شوفيها شلون تسولف وتضحك وياه

ذبت حسرة وكالت

.. عفية أمييرة واخوتها شنوو عائلة لو مصنع مال كيك شو كلهم قطع .. خوب ذاك الرجال الشعرة ابيض كاسر عليهم

لبوة: لج بابا عيب اثكلي بكد ابوج

ريناد: بس حلووو

تحجي ومنزلت عينها .. هزيت ايدي واني اضحك عليها
دارتلي

.. شتكولين اسوي سواية امي القديمة واطلع بوجهة عود ما ادري بلكي ينعجب بيه

لبوة: باوعي منو واكف بصفة

احجي وأشرتلها على عمو جهاد وكملت .. الا يفصم ظهرج نصين ، نوب كلها واكفة يصير قتلج عمل شعبي

ريناد: خرب حظي هسه ابوي حتى بقسمتي واكفلي شنوو حرام علية وحلال عليهم شو جانوا مخلصيها حبجيات هو وسهير

لبوة: وانتي بكل عقلج تردين توكعين برجال بكد ابوج وتزوجينة ؟

ريناد: اي خية شو طب لكَلبي وكعد بالزاوية يطك اصبعتين