( أبو رعب )
.. القسم الثاني
بقلم نورس
....................
ابتعد مني مشة للسيارة فتح الباب الخلفي ودنك شال بيدة ولد صغير واجه يمشي فايت بيه للبيت واني امشي وراه ما مفتهمة شي
دخلة للصالة خلاه ع التخم سألته
لبوة: منين هذا الطفل ؟
رمقني بنظرة سريعة ودار وجهة وهو يكول
قسور: ابن صاحبي
حجاها ودار وجهة يصعد الدرج بخطوات متثاقلة ..
باوعت للولد ، فدوة شلون نايم
شعرة صاير على عيونة واسود مثل الليل
صرت اوخر بخصلات شعرة الصايرة على وجهة ..
ابتسمت على نومتة ..
لام اصابع ايدة
رحت جبتلة شرشف خفيف وغطيته ..
صعدت فوك للغرفة
سمعت صوت الدوش مفتوح
انتظرتة لبين ما خلص .. طلع لازم الخاولي ينشف بشعرة
صار كبالي ومدلي الخاولي ، ابتسمت
.. اعرف هل حركة
وكفت على اصابع رجلة وهو منزل راسة لمستواي وصرت انشفله شعرة
حضني ومخلي راسة على جتفي .. استغربت حالته كتله بخوف
لبوة: شبيك حبيبي
رفع راسة يباوعلي ..
نظراتة ذابلة مو ذيج حدة عيونة المتعودة عليها
رفعت ايدي لزمت خدة وايدي الثانية على صدرة .. اردفت
.. اشو من وكت ما اجيت وضعك معاجبني .. صاير شي؟
باس ايدي اللازمة خدة و رد بنبرة باردة
قسور: ماكو شي ليضل بالج
حجاها ومشة للجرباية تمدد وايدة جوة راسة
لبوة: مكتلي ليش جايب الولد لهنا
قسور: باجر الصبح احجيلج مالي خلك هسه .. اريد انام
لبوة: متعشي ؟
قسور: ماريد
حجاها وجر باكيت الجكاير من الميز طلع وحدة خلاها بين شفايفة .. ورثها وصار يدخن بشراهة
عفته براحته ما لحيت عليه
.. لان مبين تعبان من صدك
مشيت طلعت دشداشة خفيفة للنوم لبستها ..
وكفت كبال المراية وفتحت شعري ، جنت توتي سابحة انتظرتة لبين ما نشف صرت امشط بيه
رشيت عطر وعيني عليه ..
شفته يباوعلي
اشرلي بايدة ، تعاي
مشيت يمة جرني من ايدي عليه .. صرت بحضنه ودافن راسة بركبتي
همس بصوت اجش : ممكن تخففين عـني هَم الدنيا ؟
لبوة: شلون ؟
قسور: احضنيني
أنت تقرأ
أبو رعب
Romanceاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ... .. ( أبو رعب) بقلم نورس
