أبو رعب

بارت 48 ( تتمة )

( أبو رعب )
... القسم الثاني
بقلم نورس

......................

انفتح الباب صارت بوجهي بنية مدت بس راسها
كالت

.. تفضلي ؟

قبل لا ارد واحجي كلمة ، شفته طلع من الغرفة مدنك يدكم بقميصة ويحجي

قسور: منو عالباب ريناس

رفع راسة شافني وقطع كلامة فاتح عيونة مصدوم من شوفتي ..

فجأة !
حسيت الدنيا كلها اظلمت بعيني ياريت وكف النبض اللي بكَلبي ولا شفت اللي شافتة عيني والوجع البطيء اللي قبض على روحي ..

تراجعت بخطواتي ليورة
عيوني غوشوا وصرت ما اشوف بوضوح ،
اختل توازني واجيت اوكع من طولي لكن سرعان ما اجه عليه لزمني

نترت ايدة نافرة منه وصحت بانفعال

لبوة: لتلززززززمني عوووفني .. عووف ايدي يا خاااين حقيررررر الله ياخذذذك

يحاول بس يهدئني ويريد يثبتني واني احس فقدت نفسي ونسيت روحي ..

خله ايدة على حلكي يكطع صوتي ..
ودموعي تنزل جمر على خدي ، دخلني للشقة وسد الباب يلا عافني

رجلية مكاعد يعينوني ..
كعدت على ركبي بالكاع واطلقت العنان لشهكاتي

دموعي من قوتهم تتطافر من عيني للكاع ، صرت اضرب بقبضة ايدي على فخذي واني اردد

.. الله ياخذك

رفعت راسي باوعتلة ودموعي مغركة وجهي والرؤية يا دوب واضحة عندي .. همستلة

.. والله حتى هل حجاية مو من كل كَلبي تطلع

اجت عيني عليها لابسة ( اتك نوم )
.. غمضت عيوني بأسى ودموعي جمر صارت تنزل على خدي تجوي

اجاني صوته وهو يكللها بأمر

قسور: اخذي يونس وفوتي للغرفة

بدون اي كلام مشت دنكت شالت الجاهل من الكاع وفاتت للغرفة وسدت الباب ..

ابتسمت بخيبة واني اكل بشفايفي بقهر وحجيت

لبوة: ابنك هذا مو .. لعد شكد غبية اني

نزل لمستواي ولزمني من اكتافي ويحجي وياي  يحاول يسكتني .. لزمته من ياخة قميصة واعاتب بيه

.. بس كولي ليييش ؟ قصرت وياك بشي .. لتسكتتتت احجي كول اي شي تمووووتني ببرودك هذاا .. كووول اني قصرت وياك ؟؟ بيووم بدر مني شي مو زين ؟ لك احجيييي

قسور: مفتهمة غلط مو اللي ببالج

اني منهارة وعقل ما ضال براسي وهو نطق بهل كلام .. هزني بيه وكام يسحب بروحي ع البطيء

لبوة: مفتهممممة غلط ؟؟ كل الشفته وطلعت مفتهمة غلط .. هم تريد تطلعني اني الغلطانة حتى تبرر لنفسك
لك وصلت مرحلة اشك بروحي وما اشك بيك والله
من تتأخر عليه تالي الليل اطلعلك الف عذر مو سبعين
لييش هيح سويت لييييييش