( أبو رعب )
... القسم الثاني
بقلم نورس
.....................
خليت شال على راسي ومشيت للباب .. صحت منو ومنو ماكو صوت فتحت الباب صار بوجهي قسور داير وجهة ويضحك اول ما شافني فتح عيونة على وسعهن وصاح
قسور: يطركاعة الله شجابج
تجمدت بمكاني واباوعله مذهولة !..
شكلة ، وببدلته العسكرية
دفعني جوة وسد الباب وحجة يحاول ميعلي صوتة
.. انتي احد معينج تصيرين بواب ؟
تجاهلت سؤاله ورديت بخوف
لبوة: قسور شنو ذولة الواكفين برة .. خير صاير شي
رد ببرود
قسور: ماكو .. امشي صيحيلي ابوج
زاد خوفي واباوعله بحيرة
لبوة: الله عليك كول شكو .. بابا شبيه شمسوووي ؟؟
رد بنفاذ صبر
قسور: لج بوية ماكو شي جا انه اجذذذب عليج ؟
لبوة: لعد ذول ليش واكفين كبال بيتنه
مسح على وجهة وهو داير انطاني نظرة ، ورد بهدوء
قسور: اجيت اخطبج
لبوة: هااااا
ابتسم وهو يشوف علامات الصدمة تتجمع بوجهي ..
تقرب عليه وكال
قسور: اجيت وجبتلج مشية زلم معدلة ينشد بيها الظهر مو عمامج الكواويد الرادوا يزفوج لابن داوود وعبالهم انه اضل واكف اعاين
دمعت عيوني ممصدكة .. صاح
.. هم بجت دخيييل الله هم بجتتتتت
دنكت راسي افرك بأيدي واضحك بداخلي على شكلة .. وهو يسب ويلعن بصوت ناصي ويتمتم بكلمات ما مفهومة
.. وتالي ؟
رفعت راسي ..
استجمعت نفسي ورديت
لبوة: بعد وكت .. منو كلك اني راح اوافق ؟
قسور: باع الصلافة .. اسمعييي لجج ما عندي حجي وي نسوان امشي صيحيلي زلمة البيت
لبوة: هياتة واكف كبالك
باوعلي من فوك ليجوة و رد
قسور: شلون تريدني ادفنها بمكانها لازم ما حافة شواربج ؟ .. امشيي كتلج صيحيلي ابوج وهل رعونية بطليها اضملج ياها ورة الزواج .. بس اصبريلي
لبوة: بابا مو هنا
قسور: جاا ووووينة
نزيت من صيحتة ورديت بسرعة
لبوة: واني شمدريني شبيك تصيح عليه
قسور: الصبررررر .. الوادم واكفة برة وابوج حضرتة عايفلي بس نسوان بالبيت .. امشييي طبي جوة ولتطلعين بعد
أنت تقرأ
أبو رعب
Romanceاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ... .. ( أبو رعب) بقلم نورس
