( أبو رعب )
.. بقلم نورس
.....................
واني راجع بطريقي اجاني صوت هورن سيارة وكفت يمي نزل الجامة وصاح : اصعدددد
تفاجأت من شفتة
.. هذا الضابط مؤيد!
شجابة لهنا ؟
.. ضل يباوعلي منتظر ، صعدت وياه بدون تردد
ومشة بالسيارة بدون كلام
لهناك بنص الطريق واني سألتة
يوسف: شلون شفتني ؟ شنو جنت وراي ؟؟
مؤيد: يعني تكدر تكول هيج شي
يوسف: ما افتهمت
مؤيد: اني افهمك
حجاها ورفع تليفون وكام يكلب بيه وخلاه بوجهي
فتحت عيوني على وسعها مصدوم
..طلعلي المحادثه اللي دازين بيها الصور
يوسف: هاي شلون ؟ انت شمدررريك .. شجاب الصورر بجهاااززك ؟؟
مؤيد: تؤ تؤ تؤ أعصابك وليدي .. اهدئ وخلينة نتفاهم
وكف السيارة نزلت بسرعة الدنيا ضايكة بعيني
احس الهوى ما يوصل لريتي
.. ما اكدر اوصف الشعور اللي انتابني
استحقار لنفسي ، خجلان ومتفشل لأن شايف الصور
.. اجاني صوتة
.. هاك اشرب
حجاها وشمرلي بطل مي .. فتحتة بسرعة واشرب متوتر ايدي ترعش بحيث نص المي صار بالكاع
كعدت على صبة واني مخلي ايدي على راسي
اجة كعد بصفي وكال
: يلا سولف
باوعتلة
يوسف: شسولف ؟
مؤيد: بكيفك منين ماتريد ابدي .. كاعد اني اسمعلك
.. منين عرفتهم ؟ ومن شوكت بديت شغل ؟؟ كم مرة بعت وعدد الأشخاص اللي بعتلهم ؟ أعمارهم شنو ؟ أشكالهم شنو ؟ احجيلي كلشي تعرفة .. حتى نتساعد
اخذت نفس وحجيتلة كلشي
صار وياي بأخر فترة .. من وكت ما التقيت بالباشا ولحد اخر مرة شفتة
ضحك باستهزاء وكال : أيوب ابو العرك مسمي نفسة الباشا .. يريد يغطي على اسمه
درتلة متفاجأ
يوسف: تعرفة ؟
هز راسة
مؤيد: جان خايس يمنة بالحبس واجة قرار إعفاء وطلع .. وعود يتوب ؟ رجع هم نفس الدرب
يوسف: اني اندل مكانة !
مؤيد: اذا قصدك على شقتة .. داهمنا وطلع شارد
يوسف: شلووون لحك يشرد ؟؟ .. قبل ساعتين هيج اني واكف كدامة
مؤيد: مو اكلك ميفيد وياه هيج اسلوب .. ينراد ننصبلة كمين .. جهازك جان مراقب وكلشي يوصل على رقمك يطلع عندي ومناك كدرنة نحدد موقعة
أنت تقرأ
أبو رعب
Romanceاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ... .. ( أبو رعب) بقلم نورس
