( أبو رعب )
.. بقلم نورس
......................
قسور: وووين جنت بالليل ؟؟ ويااامن طالع
ضل ساكت شوي مثل اللي يحاول يتذكر
.. بعدين حجة
يوسف: مأمون
قسور: منو هذا مأمووون ؟؟؟
..
قبل يوم :
ضحك وكال
الباشا: مو شرط جيس .. يجوز مرات جنطة ومرات صناديك .. انت العليك توصيل وبس ، يعني مثل شغلتك القديمة .. وبالنسبة للبضاعة ابدي شغل وراح تعرف شنو .. ها شكلت ؟
صفنت شوي .. بعدين كتلة
يوسف: موافق .. بس اول اشوف الشغل اذا ما كدرت وما ناسبني اطلع
ابتسم بأريحية وكال
الباشا: انت اشتغل والك الصافي .. اخليك تمشي على فلوس
صفنت شوي بخيالي
.. شنو هل شغل هذا واني كلي خلك عامل توصيل ؟
رجع حجة
.. هسه بمناسبة الشراكة اللي صارت بيناتنة .. عازمك يمي وهم حتى اعلمك ع الشغل ونسولف اني وياك
يوسف: لا يا عزيمة الوكت تأخر .. راجع للبيت
الباشا: لا عاااد لتزعلني عليك ، هاي اول مرة اعزمك وبداية افتتاحية لشغلنة .. امشي وياي
حاولت أرفض بس هو أصر وشفت الساعة بعد وكت .. كلت اروح ربع ساعة وارجع ما وراي شي ،
اخذني بسيارتة جان طابكها بواحد من الافرع
يوسف: ليش هيج طابكها بعيد
الباشا: احسن يمعود هناك هوسة .. يلا اصعد
صعدت وياه وساق لعنوان بيتة وهو يسوق يحجيلي عن حياتة واني اخذ وانطي وياه بالكلام
وصلنة وكف السيارة
.. ودرتلة بصدمة وسألته
يوسف: ليش جبتنة هنا ؟
الباشا: شبيك غير شقتي بالعمارة
حجاها ونزل ويكلي
.. يلا يلا انزل
باوعت للعمارة وصار عندي توتر لا ارادي
.. حلفت هاي المنطقة بعد ما اجيها بعد اللي شفتة
شهل حظ هذا ...
نزلت وصعدنة سوة للطابق الفوك وكفنة كبال باب الشقة وهو طلع مفتاح يفتحة
عيني جانت على هذاك الباب
.. وصوت الاغاني يتخلل لمسامعي
واكول هسه راح ينفتح الباب وارجع اشوفهم بهذاك المنظر ..
اجاني صوتة
.. وين صفنت ؟ .. تفضل فوت
حجاها وهو يفوت كدامي واني حاولت انفض هل افكار من راسي ..
أنت تقرأ
أبو رعب
Romanceاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ... .. ( أبو رعب) بقلم نورس
