လွန်ခဲ့တဲ့ ၁၀နှစ်
“ဟန်သာ”
“ဟာ ဝေ! သုတပြောတာလား?”
“ဟုတ်တယ် ၊ ဘာလို့ နှုတ်မဆက်သွားတာလဲ???၊ ခနပဲလား? ပြန်မလာတော့ဘူးလား?”
“ခနပဲ ဖြစ်ဖို့ များပါတယ်။ နှုတ်ဆက်ဖို့ ဝေက အခွင့်အရေးပေးခဲ့လို့လား? ဝေရော သုတနဲ့ အဆင်ပြေလား?”
“သုတနဲ့? ပြေပါတယ်! ဘာလို့လဲ?”
“သုတက ဝေ့ကို ဖွင့်ပြောထားတယ်ဆို။ ဝေရော အဖြေပြန်ပေးပြီးပြီလား?”
“အင်း ပေးပြီးပြီ”
“အင်း အဆင်ပြေပါစေ”
“ဘာလဲ ဝေက ဘာအဖြေပေးတယ်ထင်လို့လဲ?”
“ဟင် ဘာအဖြေပေးတာလဲ။ ဝေ လက်ခံလိုက်တာ မဟုတ်ဘူးလား?”
“မဟုတ်ပါဘူး၊ ဝေ့မှာ တခြားချစ်ရမဲ့သူရှိတယ်လို့ ပြောလိုက်တာ။ အဲ့ဒီလူက ဝေ့ကို ဂရုတောင် မစိုက်ပေမဲ့ပေါ့။ အဝေးကြီးကို သွားဖို့တောင် နှုတ်မဆက်တဲ့ အလေးမထားတဲ့သူ ဖြစ်နေခဲ့တာတောင်ပေါ့”
“ဝေ!!!!”
“ဟန်သာ ၀င်ရတော့မယ်”
မမရဲ့ စကားကြောင့် ဟန်သာ စိတ်ရှုပ်သွားသည်။ ဒီလို အချိန်မှလေ။ Timingက ဒီလို တိုက်ဆိုင်ရတာတဲ့လား။
ကျွတ်ကနဲ စုတ်သပ်လိုက်ပြီး ဝေ့ကို ငုံ့ကြည့်လိုက်တဲ့ ဟန်သာ့ကို ဝေ ပြုံးပြလိုက်သည်။
“ရောက်ရင် ဖုန်းဆက်လိုက်နော်”
“အင်း ဝေ ၊ရောက်ရင် ဖုန်းဆက်လိုက်မယ် ၊ Blockထားတာ ဖြေလိုက်ဦးနော်။ ကျနော် ဝေ့ကို ပြောစရာတွေ အများကြီးရှိတယ်”
“အင်းးးး Bye!!!”
အဲ့ဒီနေ့ကစ ဝေ့ဆီ သူမဆက်သွယ်တော့ပါ။ UKနဲ့ မြန်မာဟာ ၂နှစ်လောက် သွားရတယ် ထင်ပါတယ်။
ရောက်ရင် ဖုန်းဆက်လိုက်မယ်ဆိုတဲ့သူဟာ ထွက်သွားပြီး ၂နှစ်အကြာမှာ ဖုန်းဆက်လာခဲ့ပါတယ်။
“ Ring Ring Ring”
ဟန်သာ့ဆီကို ပို့ထားတဲ့ ဖတ်သူမရှိတဲ့ ဝေ့ရဲ့ Msgတွေကို နာကျင်စွာ ကြည့်နေမိရင်း မြည်လာတဲ့ ဖုန်းသံကြောင့် နံပါတ်ကို ကြည့်လိုက်တော့ Unknown Numberတဲ့။
ဝေ မကိုင်ဖို့ စဉ်းစားလိုက်မိပေမဲ့ ရုတ်တရက် စိတ်ထဲပေါ်လာသည့် အတွေးကြောင့် မျှော်လင့်ချက်သေးသေးလေးနဲ့ ကိုင်လိုက်မိသည်။
“ဟဲလို”
“ဝေ၊ ကျနော်ပါ”
ကြားလိုက်ရတဲ့အသံကြောင့် ၂နှစ်နီးပါးရှိခဲ့တဲ့ အစိုင်အခဲတွေဟာ ဘာမှမဟုတ်သလို ပြေပျောက်သွားသည်။
“ဟန်သာ???”
“အဟင်း !! ဟုတ်ပါတယ်။ ကျနော်ပါ။ ကျနော်အခု ပြန်ရောက်နေတယ်။ မနက်ဖြန် အချိန်ရရင် တွေ့ခွင့်ရမလား? ပြောစရာတွေလဲ ရှိလို့ပါ”
“Ofcourse!!! ဘယ်အချိန်လဲ ? ဝေ မနက်ဖြန်အားပါတယ်”
“ညနေ ၄နာရီလောက်၊ ---------coffee shopမှာ တွေ့ကြမယ်လေ”
“Ok”
ဖုန်းချသွားတာနဲ့ ဝေ သုတဆီ Msgပို့လိုက်သည်။
“သုတရေ Sorry။ ဝေ မနက်ဖြန် သွားစရာလေးပေါ်လာလို့ နောက်ရက်မှ တွေ့ရအောင်!!!”
“okလေ ၊ ဒါနဲ့ ဘယ်ကို?”
“ဟန်သာ ဖုန်းဆက်တယ်”
“ဪ မနေ့က ရောက်တယ် ကြားတယ်။ အင်းပါ။ နောက်ရက်မှ အေးဆေးတွေ့ကြတာပေါ့”
ချိန်းထားတဲ့အချိန်ထက် နာရီ၀က်လောက် ကြိုရောက်နေတဲ့အထိ ဝေ စိတ်လှုပ်ရှားနေမိသည်။
ESTÁS LEYENDO
မတူညီသော ဆုံမှတ်များ
Romanceမိန်းကလေးတစ်ယောက်ကို တွဲခွင့်ရရုံအတွက်နဲ့ ချစ်တယ်ဆိုတဲ့ စကားကို ပြောဖို့လိုလို့လား။ ချစ်ခြင်းတရားဆိုတာ ကျနော်မယုံကြည်ရဆုံး စာရင်းထဲက နံပါတ်တစ်အရာပဲလေ -ဟန်သာဦး ဝေက ကိုယ်ချစ်ကို မရှာဘူး။ သူချစ်ကိုပဲရှာမှာ။ ကိုယ့်ဘက်ကပဲ ချစ်ရတာ ဘယ်လောက်ပင်ပန်းလဲဆိုတာ သ...
