كوفيد الحب والإيمان

إقتباس

لو لقيت تفاعل هبدأ انزلها من الاسبوع اللي جاي

-أنتي بتهزري ياسجدة ؟ بعد يعني اي مش موافقة تتجوزني دا أحنا متفقين من واحنا صغيرين

-أنا متفقتش معاك على حاجة أنا اتفقت مع أسر القديم اللي مكنش بيفوت صلاة ولا بيشرب سجائر إنما اللي قدامي دا واحد معرفوش أنت من ساعة موت طنط اتغيرت اوي يا أسر

-مكانش ليا حد غيرها متخيلة اي إني هفضل سعيد من بعدها حتى أنتي بتتخلي عني ياسجدة

-أنا مش بتخلى عنك يا أسر الموت علينا حق كل واحد ليه دور في الدنيا بيجي يعمله ويرجع مكانه دارنا الأخرة مش الدنيا ومش سبب إنك وتسيب صلاتك وتتغير بسبب موت والدتك أنت بقيت واحد انا معرفوش أنت مش أسر صديق طفولتي وخطيبي من الثانوية لا وفوق دا كله سقطت في سنة تانية معقول دا أسر المتفوق ؟

-عاوزك جنبي يا سجدة انا تعبان صدقيني هحاول ارجع زي الاول عشانك

-عشاني؟ يبقى مش هترجع لازم ترجع وأنت معترف لنفسك إنك قصرت في حق ربنا لازم ترجع عشانك أنت مش عشاني أنا لو رجعت عشاني يبقى مالوش لازمة يعني لو حصلتلي حاجة هترجع زي الاول تاني لو واجهنا مشكلة في المستقبل حالك هيتغير 

-‏وَمِنَ النَّاسِ مَن يَعْبُدُ اللَّهَ عَلَىٰ حَرْفٍ ۖ فَإِنْ أَصَابَهُ خَيْرٌ اطْمَأَنَّ بِهِ ۖ وَإِنْ أَصَابَتْهُ فِتْنَةٌ انقَلَبَ عَلَىٰ وَجْهِهِ خَسِرَ الدُّنْيَا وَالْآخِرَةَ ۚ ذَٰلِكَ هُوَ الْخُسْرَانُ الْمُبِينُ (11)

-‏أنا اه عارفة إنك مش ملتزم من الأول بس على الاقل كان عندك أساسيات دينك وأنا كنت هبني معاك الباقي لازم يكون عندك ثقة في الله يا أسر إن أي حاجة بتحصل فهي خير ليك واي ابتلاء عشان يختبر صبرك ويغفرلك ذنوبك

-أنا بجد مستغرب أنتي اللي بتتكلمي كدا ياسجدة وأنتي على الكرسي دا بقاالك سنتين ؟ لا وكمان مش موافقة عليا تفتكري في حد هيتقدملك غيري ؟انا راضي بيكي عشان بحبك

أجابت بضحكة تحمل غصة وهي ترى تغير حبيبها الاول والاخير
-مش بقولك أتغيرت يا أسر لو كنت هتتحوزني شفقة فبلاها إني أتجوزك اصلا واه مش هتجوز واحد ممكن يبعدني عن داري دار الآخرة الجنة يا أسر حتى لو كنت بموت فيك هتقولي أنتي ضامنة الجنة هقولك لا هتقولي أنتي مش كاملة هقولك أيوة بس أنا مش بقاعدة لو مش عارفة أعمل طاعات فمش هعمل معاصي لو مش عارفة أعمل حاجة تقربني من ربنا مش هعمل حاجة تبعدني عنه

-انا اسف ياسجدة عندك حق أنا بقيت إنسان تاني مكنتش أقصد إني اجرحك والله بتمنى تسامحيني و اوعدك إنك مش هتشوفيني تاني غير وانا متغير عشان نفسي أولا وثانيا عشان اليق بجوهرة زيك

-وأنا هستناك يا أسر لأني عارفة إنك هتقدر تعمل كدا ثم أجابت مازحة ولم تعلم إنها ألمت قلبه وبعدين مين هياخد واحدة عاجزة زيي
.............

ياترى اي اللي هيحصل وهل فعلاً هيقدر يوفي بوعده ولا هينسى ويعيش زي ما هو