كوفيد الحب والإيمان

الفصل الحادي عشر

اَللّهُمَّ اجعَلني مِنَ المُستَغْفِرينَ، وَاجعَلني مِن عِبادِكَ الصّالحينَ القانِتينَ، وَاجعَلني مِن اَوْليائِكَ المُقَرَّبينَ، بِرَأفَتِكَ يا اَرحَمَ الرّاحمينَ

-‏عرفتي ازاي ؟
-‏من صوتك يا حمزه والله لو كان اللي في بالي صح لا اقول لآسر ويشوف صرفه معاك عشان الموضوع زاد عن حده وانا دريت عليك كتير بما فيه الكفايه 
-‏احم هو انتي متعرفيش ؟
-‏اعرف اي ؟
-‏ما الشباب عارفين وبيساعدوني
-‏نعمممممممم انتوا عاوزين توجعوا قلبي عليكم كلكم ؟
-‏وانتي يعني يرضيكي اللي بيحصل دا ياسلمى هتشوفي ظلم وتسكتي
-‏بس مش بالطريقه دي على الأقل ارفض القضايا دي

-‏ولو راحوا لمحامي تاني؟ يبقى انا استفدت اي؟عرفت حاجات ممكن تنقذ إنسان وسكت يبقي زي المشارك معاهم في الجريمه

-‏بس
-‏مبسش ياسلمى بلدنا مفيهاش قانون ولا بتجيب حق حد غير بالادله هروح اقولهم اي وحق البنت اللي هيروح وابن عمها اللي هيتسجن؟
-‏هي القضيه عن اي ؟

قص حمزه عليها كل شيء يتعلق بالقضية ثم انتظر إجابتها فسمع صوت بكائها

-هو في ناس كدا لسه موجوده يعني قتلوا البنت وعاوزين يدمروا حياة خطيبها مش كفايه اللي عملوه حسبي الله ونعم الوكيل
-‏ودلوقتي عاوزاني ابطل اللي بعمله دا وحق البنت وابن عمها يضيع ؟
-‏لا طبعاً أنا مرضاش لدا إنه يحصل اه انا بحبك وبخاف عليك بس مش على حساب حد تاني
-‏اي دا انتي مضحيه بيا بقى
-‏لا طبعاً بس انت عارف إني مستحيل اشوف حد بيتظلم واسكت حتى لو على حساب حياتي  انا
-‏انتي اجمل إمرأة في العالم رأتها عيني يازوجتي العزيزه
-‏نعمممم وانت شوفت بقية نساء العالم فين ياخويا وتقولي غض بصر ومغضش ما ترد يا استاذ حمزة
-‏سلمى اقفلي ياشيخه يخربيت اللي يرمسن معاكي
-‏استنى بس استنى

ابتسم آسر منتظراً أن تعتذر له زوجته وتمطره بالحب كعادتها

-يعني اي يرمسن ياحمزة ؟ الله هو قفل ليه طب بس يجيلي بردوا مجاوبنيش يعني اي يرمسن

تحدثت بها سلمى بعدما أغلق حمزة في وجهها الهاتف بينما عند حمزة كان يستغفر حتى لا يشتم ووجد أحد يجلس أمامه ويضحك عاليا

-دي اكيد سلمى صح
-‏هو في غيرها يعني
-‏عملت اي تاني
-‏بقولها كلام رومانسي وبرمسن عليها تجولي فين غض البصرررر يا حمزززة
-‏ب اي ياخويا ؟
-‏برمسن ياسامر في اي

نظر له سامر بتشنج وتحدث

-ومش عاوزها تقفل في وشك تصدق إني لو مكانها لا اطلب الطلاق شكل قعدتك مع المتهمين نقلتلك عدوة

-‏طب اسكت اسكت وخليك في حالك اتجوز انت بس وهنعمل معاك الصح

تحدث بمزاح دون أن يشعر بحال صديقه الذي تبدل للحزن وهنا أدرك مدى تأثير حديثه على صديقه