كوفيد الحب والإيمان

الفصل الثالث عشر

صرخ عقله مطالباً بالسكوت:بس بس انا مدمن آه بس غصب عني

الشيطان:انت بتضحك على نفسك محدش غصبك على حاجه لو كنت عاوز متشربش مكنتش هتشرب أنت اللي اخترت طريقك انت اللي اخترت صحابك فمتقولش غصب عني

عقله:لا كان غصب عني ايوه محدش هيبقى موجود وسط حراميه طول عمره وهيبقى ضابط ومحدش هيبقى كويس وعيلته مش مهتميه بيه انا لو حد كان قدملي الحب مكنتش هوصل لهنا ماما كانت تخرج مع صحابها ومش مهتميه بينا وبابا كان طول الوقت برا طب ليه يجبونا طالما مش هيهتموا بينا؟ حتى اجتماعات المدرسه محدش كان يحضرها معايا كان دايما الاطفال يفتكروا أهلي ماتوا وانا مكنتش اقدر اتكلم عشان ميسألوش طب هما فين عمر ما حد قرب مني وفهمني الصح والغلط طبيعي إن اي حد يكلمني هصاحبه من غير ما اسأل طبيعي اكون مدمن وانا اتربيت من غير رقابه حتى الشخص اللي ظهر في حياتي وعلمني الحب ساب اختي قبل فرحها خلاني اكره حتى الصحاب وابقى كدا الناس هي السبب مش انا الناس اللي بتوصل الإنسان للانتحار والادمان والموت طب ليه طالما مش هيعرفوا يبقوا كويسين معانا بيقربوا ليه ؟ ليه مالك خلاني اثق فيه وبقى اقرب صديق ليا واخ كبير ليا بعدين يكذب علينا ويمشي؟يمكن دا كله مش مبرر بس هيفضل سبب في إن دا كله يحصلي

كل هذا كان في عقله الذي أخذ يصرخ يريد أن يرتفع صوته لذلك العالم حتى يسألهم عن سبب أفعالهم تلك وبعد كل ذلك أخذ تلك السيجارة التي يحملها وقرر أن يرميها بعد أن وجد إنه لا فائده منها وسيحاول طلب مساعدة أحدهم حتى يبتعد عن ذلك الشيء

بينما في الاعلى عند الشباب كانوا قد انتهوا من حديثهم

-طب دلوقتي خلود مفروض تروح الفيلا وسلمى هتروح معاها
-‏وانا ؟

-‏وانت اي ياحمزه؟ انت مش بتطيق عز احنا عاوزين الموضوع يمر على خير وبعدين يعني مهما كان عز اخوها مش هيأذي أخته

-أنت مصدق الكلام دا؟بعدين اخوها من الأب بس لو ناسي
-‏يعني انت عاوز اي دلوقتي؟
-‏اروح مع مراتي ؟
-‏وتفتكر إن كدا مش هيشكوا في حاجه ؟
-‏ماليش فيه معرفش اعيش من غير نكد سلمى دا بقى زي الدوا بيمشي في عروقي يابني

نظر له الجميع بصدمه بينما تلك التي كانت تستمع لحديثه بسعادة بسبب خوفه عليها نظرت له بمعنى لا والله بينما هو حاول تدارك نفسه ولكن كان قد فات

-نعم ياخويا أنا نكديه ياحمزة يابن ام حمزة ماشي

ثم نظرت بعد ذلك لآسر الذي يتابع ذلك ال الثنائي المجنون بصدمه

-آسر شوفت بيهين أختك قدامك ازاي انا عاوزه حقي حالا بالا
-هنتك اي ياسلمى صل على النبي كدا هو انتي يعني مش نكديه ؟
-‏نكديه اه بس مش لازم تقول انا أطالب بحقي في عدم ذهابه معي
-لا بقولك اي لو عملتي اي انا راشق معاكي فمتحاوليش
-‏حمزة متهزرش بقى انت بتتخانق مع عز وسمير اكتر ما بتحبني
-‏ودا كله ليه مش عشان بحبك عاوزاني اشوفهم بيهينوكي واسكت ؟وبعدين هتبقى حجه مناسبه لما نقولهم شقتنا بتتظبط فمفيش مكان نقعد فيه