كوفيد الحب والإيمان

الفصل السادس والسابع

-ولحد ما تقتنعي بقى مفيش خروج من البيت ياعسل

-‏نعمممم انت مين أصلا عشان تمنعني انت يدوب شخص ظاهر في حياتنا من امبارح

-‏ها يا خلود قولتي اي

-‏انا فعلاً يا آسر كان نفسي اتشجع في يوم وابقى زي الناس المحجبه اللي بشوفها بس محدش كان معرفني الصح من الغلط واكيد مش هرفض حاجه زي دي بعد ما عرفت إنها فرض انا مش عارفه حاجات كتير في ديني بس انت هتاخد بإيدي صح ؟

نظر لها آسر بحب فحقا تلك الخلود تنجح دائما في كسب حبه عازما في نفسه أن يعلم سبب تغيرها ومن الشخص الذي كانت تتحدثت عنه بتلك اللمعه الحزينه

-اكيد ياحبيبتي أنا معاكي لحد ما نوصل للدرجه اللي ربنا يكون راضي عنا فيها

-‏يعني مش هنوصل للجنه؟

-‏مين قال كدا يمكن نوصل وممكن لا

-‏مش احنا بنعمل اللي ربنا بيقول عليه ومفروض ندخل الجنه ؟

-‏احنا لو عبدنا ربنا عمرنا كله مش هنوصل لجزء من فضله علينا ورحمته بينا لو هندخل الجنه هيبقى برحمة ربنا ودا مش معناه إننا نهمل في عبادتنا دا بالعكس أحنا محتاجين نزيد فيها لانها اول حاجه هنتسأل عنها لو ربنا ملاقاش في صحيفتنا ولا صلاة ولا صوم ولا تنفيذ أوامره يبقى احنا اي اللي عملناه في الدنيا احنا جايين الدنيا ندفع تمن الجنه

-‏يااه يا ابيه اد اي احنا جاهليين بخصوص دينا حقيقي كل مره بستفاد منك كتير انا هروح اشوف اللبس بس انت متأكد إنه مقاسي ؟

-‏اه ياخلود انا وروان جبنا كذا حاجه عشان تختاروا اللي عاوزينه بس دا اكيد اللبس اللي يرضي ربنا

-‏خلصانه هروح اجربه
-‏انت ازاي بتتجاهلني على فكره انا بكلمك

تحدثت بها مسك وهي تعاند نفسها فقد لمس حديثه عقلها وقلبها ولكنها لا تعلم لما تعاند

-صوتك ميعلاش تاني سامعه ؟ انا اخوك الكبير غصب عنك مش واحد من الشارع ومش انا اللي اسيب اختي تنزل متبرجه من البيت انا مغصبتكيش ولا قولتلك تلبسيه انا قولتلك لحد ما تقتنعي مفيش خروج

-‏ولو مقتنعتش ؟
-‏يبقى مفيش خروج بسيطه اهي
-‏طب انا هروح الجامعه ازاي من غير عربيه
-‏اجهز وهوصلك يامراد وانتي لو عرفت إنك اتحركتي من البيت والله ليكون يومك ما باينله ملامح سامعه

هزت رأسها بخضوع بعدما احتدت نبرة صوته ولم تكمل كلامها ورأت خلود تخرج بسعادة وهي ترتدي فستان من اللون الأسود الذي يوجد به بعض النقاط البيضاء وارتدت حجاب من اللون الابيض عليه فكانت آيه في الجمال حقا

-عاااااا شكلي حلوووووو اوي يا آسر صح ؟
-‏شكلك قمر يا قلبي الحجاب خلاكي قمرين
-‏بجد يا آسر
-‏بجد والله مش مجامله
-‏اي رأيك يا مسك شكلي حلو