كوفيد الحب والإيمان

الثالث والعشرون

انصدمت الفتيات ليقفوا كالأصنام على الأرض للتحدث تلك مسك بذهول من وسطهم :
هو اي اللي بيحصل هنا دا انتم هتخطفونا ؟

ليوجه ذلك الرجل المسدس نحوها: وممكن اقتلك لو سمعت نص كلمة كمان كل يقف مكانه مش عاوز حد يتحرك

لم تستمع له بل أكملت حديثها بذهول خالطه الفرح:
لا بجد يعني انتم هتخطفونا وكدا ؟ ويجي خطيبي وينقذني بعد ما كنت مخصماه ومش بكلمه ويتصاب برصاصه وانا ازعل عليه ونتصالح ونعمل فرح

لتتحدث روان بغيظ وهي تنظر لها وترى نظرات ذلك الرجل تكاد تحرقها: مسك فوقي ياماما انتي مش بتلعبي عسكر وحراميه وبعدين انتي مش مخطوبه اصلا

لتستمع لهم مسك بتعقل قبل أن تنفجر في الدموع ليتعجب منها الجميع حتى ذلك السارق وأعوانه الذين كادوا أن يقتلوها لولا توقفهم بسبب قائد مجموعتهم :
انتي بتعيطي ليه دلوقتي طيب ؟

لتتحدث بجديه تعجب لها الجميع :
طالما معنديش خطيب هيجي ينقذني فمفروض الشخص الحرامي أو القاتل ياخدوني رهينه ويحبني زي ما بيحصل في الروايات بس البطل بيكون شكله حلو بس انت شكلك مجرم بجد

نظر لها الفتيات بصدمه أحقا تتحدث هكذا أم أنهم يتخيلوا ليسمعوا ذلك الرجل ينظر لهم بغضب:
كلمه كمان وهفرغ المسدس في دماغك انتي فاهمه

لترتعب مسك حقا منه وتختبئ خلف الفتيات وهي تتسآل ماذا فعلت لكي يغضب هكذا

خدوهم كلهم على المكان المتجمع فيه باقي الناس

تحدث ذلك الرجل بعصبيه لأحد من رجاله لينفذوا الأمر جميعا ويأخذوهم ناحية تجمع الجميع ، كان هناك رجل لم ينتبه له هؤلاء السارقين يحاول أن يبتعد عن مكانهم ببطء ولم يشعر به أحد حتى رأته مسك لتتحدث بصوت عالي جذب إنتباه السارقين:
اي دا انت بترجع لورا ليه رايح فين ؟

نظر السارقين بالاتجاه التي كانت تنظر إليه بينما ذلك الرجل ضغط على اسنانه بغيظ وكاد أن يقتلها ليتحدث بتوتر بعدما رأى لعبة أطفال بالقرب منه :
دي لعبة بنتي كانت بتحبها كنت هجبهلها بس

نظر له ذلك الرجل بعدم تصديق ولكنه لم يهتم ليآمر رجاله بالانتباه لهم حتى يتحدث للشرطه
.............

كانت خلود تنظر له بصدمه ف عن أي سلمى يتحدث لم تعلم أن سلمى تمتلك فتاة لتسأله بصدمه:
طب هي فين واي اللي بيحصل انا مش فاهمه حاجه

ومش هتفهمي حاجه يامسك عشان كدا ياريت محدش يعرف حاجه قبل ما ابقى كويس وكل حاجه ترجع لطبيعتها بنت سلمى هتبقى في خطر لو اكتشفوا إني بتكلم واني فايق مش زي ماهم فاكرين إني بشرب الادويه اللي بتخلي عقلي يغيب عن الواقع انا الواحد اللي متأكد إنها عايشه وللأسف أنا كل الوقت دا ساكت لحد ما اعرف طريقها مش عاوزك تبوظي كل حاجه أنا مخططلها مش هقدر اقولك تسيبي البيت وتمشوا في الوقت دا بس لازم تاخدوا بالكم من نفسكم كويس