كوفيد الحب والإيمان

الفصل الاول

أنت بتهزر ياجدع انت يعني اي أخونا؟ هي ناقصة هزار
-فكك يابنتي دا تلاقيه واحد نصاب عاوز قرشين ولا حاجة

-تصدق ياض اول مره تقول حاجه صح 

-وانا من أمتى بقولك حاجه غلط يابنتي

-‏خلصتوا تسمحوا لاختكم الكبيرة تتكلم بقى ولا خلاص انتم حكمتم ونفذتوا الحكم ؟

-‏ياخلود ما هو أنتي شايفة النصاب دا هو اه حليوة وزي القمر كدا اهو بس دا مش معناه إننا نصدقه 

نظرت لها تلك التي تدعى خلود بطرف عينيها ثم عادت مره أخرى لتنظر لذلك الذي لم يتفوه بكلمة منذ أن دخل غير إنه أخيهم

-ممكن تقولنا قصدك أي بالكلام اللي انت بتقوله دا يعني اي اخونا

-‏زي ماسمعتوا كدا للاسف بابا مكانش معرف حد إنه عنده ابن كبير لانه كان متجوز ماما  في السر واللي أقصده هنا إنه محدش كان يعرف بجوازهم لأن بابا كان بيحب ماما قبل ما يتجوز والدتكم بس جدي رفض لأن ماما كانت مجرد ممرضة في مستشفى بس بابا اتجوزها من وراه على سنة الله ورسوله وفي نفس الوقت اتجوز والدتكم عشان ميزعلش جدكم وتقدروا تسألوا المحامي

-اه وأنت فاكرنا هنصدق الفيلم الخايب دا صح برافو ما تقول إنك عاوز فلوس وتريحنا

-ممكن تخرسي يازفتة ياللي اسمك مسك و أنت ممكن تستنى هنا وانا هتصل بالمحامي واعرف الموضوع
-بسسس انا هروح اسهر مع صحابي ولا تقوليلي اخرسي ولا متخرسيش

-‏خديني معاكي يابت يا مسك

-‏متسيبني في حالي ياض هو انا خلفتك ونسيتك يامراد

-‏الله مش أخوكي الصغير ولازم تدلعيه

-‏ماتروح تذاكر بدل ما انت ساقط ثانوية عامة سنة ونجحت في التانية بالعافية ودخلت أولى كلية بالعافية

تحدث ذلك المراد بجديه بعض الشيء متجاهلين الموجودين حولهم

-أنتي بتهزري يا مسك عاوزاني انا اذاكر انتي سخنة يابنتي

-‏هشش غور قدامي يلا مانا مش هخلص منك انا عارفة إن دا كله عشان عربيتك بايظة

وبعدين صغير اي ياساقط شوف انا في تالتة كلية وانت في أولى كلية عايد ثانوية مرة يعني اصغر مني بسنه اخلص تعالى

-‏فل عليك ياصاحبي هو احنا ناسيين اي

-‏اي دا اه دا في واحد كان بيقول إنه أخونا

-‏ايوة صح

ثم نظر خلفه هو وتلك المدعوه بمسك ووجدوا ذلك الواقف ينظر لهم بغموض وأختهم تنظر لهم بغضب وكانت ستتحدث لولا ذلك الذي قطع حديثها

-طب عشان نتفق من الاول انا اخوكم غصب عنكم ف يلا ياحلوين جهزوا شنطكم عشان تيجوا معايا