*Unicode*
"အချစ်ကဘာလဲဂျယ်ဟျွန်း..."
ရုတ်တရက်မေးလာတဲ့ထိုမေးခွန်းက သူ့နှလုံးသားထက်မြည်ဟည်းသည်။
အချစ်ကဘာလဲတဲ့
အဖြေမရှိတဲ့ ထိုမေးခွန်းကို သူဘယ်လိုဖြေရမလဲ။သူ့အတွက်အချစ်က အဓိပ္ပါယ်သတ်မှတ်ခြင်းတွေကင်းတဲ့ စိတ္တဇနာမ်သက်သက်သာဖြစ်ကြောင်းနဲ့ အချစ်လို့ဆိုတိုင်းယုံးငယ်ဟုသာ မြင်တတ်ကြောင်းကို ဖြေမိရင် ရင်ခွင်ထဲကလူသားကစိတ်ဆိုးလောက်လား။
"အချစ်..အချစ်က ကျွန်တော့်အတွက်အေးချမ်းခြင်း"
စိတ်ထဲပေါ်လာရာ ဖြေလိုက်မိတဲ့အဖြေက သူ့အတွက်တစ်စိတ်တစ်ပိုင်းတော့မှန်စေသည်။
"အေးချမ်းခြင်း...ဘယ်လိုအေးချမ်းခြင်းလဲ"
"ကျွန်တော်ချစ်ရတဲ့လူသားလေးကို ငေးကြည့်နေရရင်ကို ကျွန်တော်နှလုံးသားတစ်ခုလုံး နွေးထွေးပြီး လူကအေးချမ်းနေမိတယ် ပူလောင်ရခြင်းတွေရှိလာတိုင်း သူ့ကိုကြည့်လိုက်မိရင် ကျွန်တော့်စိတ်ကငြိမ်းချမ်းသွားရတယ်...အချစ်ကအေးချမ်းခြင်းရယ်လို့မဟုတ်ပေမဲ့ ကျွန်တော်ဒီထက်ပိုအဓိပ္ပါယ်မဖွင့်တတ်ဘူးယုံး..."
ယုံးငယ်ကြောင့်နာကျင်ဖူးတယ်။
ယုံးငယ်ကြောင့်ပူလောင်ရဖူးတယ်။
ထပ်ပြီးလည်းယုံးငယ်ကြောင့်အေးချမ်းရဖူးတယ်။ရှင်သန်ချင်စိတ်မရှိတော့တဲ့အချိန် ယုံးငယ်ကရောက်ရှိလာပြီး ကျွန်တော့်ကိုအေးချမ်းစေပြီး ရှင်သန်စေခဲ့တယ်။
အချစ်ကယုံးငယ်ဖြစ်ပြီး ယုံးငယ်ကကျွန်တော်ရဲ့အေးချမ်းခြင်းလေးလည်း ဖြစ်တယ်။
"မင်းမှာချစ်ရတဲ့သူရှိနေတာပေါ့ဂျယ်ဟျွန်း"
အတက်အကျမရှိတဲ့မေးခွန်းက သူ့ကိုထိတ်လန့်စေသည်။
"အင်း..အင်းရှိတယ်"
"ဘယ်သူလဲ"
ယုံးငယ်လို့ပြန်ဖြေလိုက်ချင်သော်လည်း သူ့မှာသတ္တိမရှိပါ။
"ဒီ...ဒီတိုင်းကောင်မလေးတစ်ယောက်ပါပဲ"
မချောမွေ့လှတဲ့အလိမ်အညာစကားက သူ့ဆီကနေအလွယ်တကူထွက်လာခြင်းမဟုတ်။
YOU ARE READING
If we never met
FanfictionJaeyong🖤 မှားယွင်းတဲ့Timingတစ်ခုမှာ ဆုံတွေ့ပြီးနာကျင်ရတာထက် ဘယ်သောအခါကမှ ငါတို့ကမကြုံကြိုက်ခဲ့ရင်.... ငါမင်းကိုသိပ်ချစ်တာပေါ့ ဒါမဲ့Wrong Timeဆိုတဲ့နေရာမှာမှ ငါတို့ကရပ်နေမိကြတာ....။ မွားယြင္းတဲ့Timingတစ္ခုမွာ ဆုံေတြ႕ၿပီးနာက်င္ရတာထက္ ဘယ္ေသာအခါကမွ ငါတ...