*Unicode*
"မောင်..ယုံးငယ်တို့တွဲရအောင်"
မဖြစ်သင့်မှန်းသိနေသော်လည်း၊ ယုံးငယ်ကတစ်စုံတစ်ယောက်နဲ့ သူ့မျက်စိရှေ့မှာတင် စေ့စပ်ထားသူဖြစ်ကြောင်း အမှတ်ရနေပါသော်လည်း မငြင်းဆန်နိုင်ခဲ့သူက ကျေကျေနပ်နပ်ပင်လက်ခံဖြစ်ခဲ့သည်။
တစ်ဖက်ကကောင်မလေးအပြင် စီးပွားရေးနယ်ပယ်ထဲ အကျယ်တဝင့်ဖြစ်ခဲ့သော ယုံးငယ်တို့စေ့စပ်ပွဲကြောင့် သူတို့တွဲတဲ့အခါ ဖြစ်လာမဲ့ဝေဖန်မှုတွေ၊ အတင်းအဖျင်းတွေ၊ နောက်ပြီး ယုံးငယ်ကသူ့ကို ဘယ်လိုသဘောထားနေမှန်းလည်း မတွေးတတ်ခဲ့ပေမဲ့၊ စဥ်းစားစရာတွေသိပ်များနေပေမဲ့..
သူကအချစ်ကြောင့် ရူးနေခဲ့ပြီဖြစ်တဲ့ အရူးတစ်ယောက်ပဲမလား။
တစ်ချိန်ကျရင် ပစ်ချထားခံရမယ်။
တစ်ချိန်ကျရင် နောက်မှာကျန်နေခဲ့ရမယ် ဆိုတာသိနေပေမဲ့လည်း သူကရူးမိုက်ခဲ့ပြန်သည်။ရူးမိုက်လက်စနဲ့ ဆက်ပြီးရူးမိုက်လိုက်တာ အဆိုးကြီးတော့မဟုတ်လောက်ဘူးမလား။
သူကချစ်နေတယ်ဆိုတာ သိပြီးမှ ယုံးငယ်ကတွဲဖို့ပြောလာခဲ့တာက ယုံးငယ်သူ့ကိုလက်ခံလိုက်တာပဲမလား။
ယုံးငယ်ကလည်းသူ့အချစ်ကို လက်ခံပြီးပြီ။
ဒါဆိုဘာကလိုအပ်နေဦးမှာလဲ။ကျန်တာတွေကို မတွေးဘဲ
သူ့ရဲ့အချစ်တစ်ခု..
သူ့ရဲ့ယုံးငယ်ကိုသာ ကြည့်လို့ ရှေ့ဆက်မည်။အဆုံးသတ်မှာသူက ကျန်နေခဲ့ရမယ်မလား။
ဒါဆိုကျေကျေနပ်နပ်နေရစ်ခဲ့မည်။ထွက်သွားမည့်သူက ယုံးငယ်ဖြစ်နေသရွေ့ သူကလောဘတက်ခြင်းမရှိဘဲ ယုံးငယ်ဆန္ဒအတိုင်းလိုက်လျောမည်။
အတူကုန်ဆုံးခဲ့ရသည့် အချိန်တစ်ချို့ကိုဖက်တွယ်ထားရင်း သူကငြိမ်ငြိမ်သက်သက်ကျန်ရစ်ခဲ့မည်။
လောဘမရှိတဲ့ချစ်ခြင်းတွေမဟုတ်ပေမဲ့
အခုဖြစ်လာတဲ့အခြေအနေလေးကပင်
သူ့အတွက်ရောင့်ရဲဖို့လုံလောက်နေခဲ့ပါပြီ။တရားဝင်ပိုင်ဆိုင်ရသူမဟုတ်ပေမဲ့ ခဏတာသဘောရှိဆုပ်ကိုင်ခွင့်ရတဲ့လက်လေးတွေ၊ သူ့ရင်ခွင်ထဲကကောင်လေးက သူ့လူလေးရယ်ပါလို့ အသိနဲ့အတူ နမ်းရှိုက်ခွင့်ရမဲ့ပါးပြင်လေးတွေ....
YOU ARE READING
If we never met
FanfictionJaeyong🖤 မှားယွင်းတဲ့Timingတစ်ခုမှာ ဆုံတွေ့ပြီးနာကျင်ရတာထက် ဘယ်သောအခါကမှ ငါတို့ကမကြုံကြိုက်ခဲ့ရင်.... ငါမင်းကိုသိပ်ချစ်တာပေါ့ ဒါမဲ့Wrong Timeဆိုတဲ့နေရာမှာမှ ငါတို့ကရပ်နေမိကြတာ....။ မွားယြင္းတဲ့Timingတစ္ခုမွာ ဆုံေတြ႕ၿပီးနာက်င္ရတာထက္ ဘယ္ေသာအခါကမွ ငါတ...