Loved Behind the Sun

Chapter 12

Isang mapait na ngiti ang nakita ko sa mukha niya sa sinagot ko.

"Hindi ko alam na may agreement pala ng partnership si Papa at ang Dad mo. Nagulat nalang din ako ng malaman na kompanya niyo pala ang tinutukoy ni Papa na bago naming co-partner. Alam ko ring hindi ko mapipigilan si Papa sa agreement na 'yon kaya wala na ko nagawa," Paliwanag niya kaya tumango na lamang ako.

"How have you been, this past five years?" Pangangamusta ko sakanya.

"Okay, I guess? After you left me, hindi ko na halos makilala ang sarili ko. Ngayon, naiipit ako sa kasal na ayoko naman matuloy pero kailangan kong tanggapin," He confessed at mas lalong kumirot ang puso ko sa sinabi niya.

"You never loved Yna?" Tanong ko at kaagad naman siya umiling.

"Gaya ng sabi ko sayo noon, hindi ko alam kung kaya ko pa bang magmahal ng iba ulit kung hindi ikaw. Pero anong magagawa ko? Hindi naman kita pwedeng pilitin na mahalin ako kung talagang si Alexie na talaga ang laman ng puso mo noon..." He added at napaiwas na ko ng tingin dahil hindi ko na kinakaya ang mga lumalabas sa bibig niya.

"You should try to open your heart again Nolan, Yna loves you... She deserves to feel the love that you used to give me before. Ilang buwan nalang, magiging asawa mo na siya. Kailangan mong subukan mahalin ang asawa mo Nolan," I said, kahit parang pinipiga ang puso ko sa sakit habang sinasabi 'yon sakanya.

"Matagal ko ng sinusubukan Zole, pero hindi ko talaga kaya. Ibang iba siya sayo, at ayokong pilitin ang sarili ko sa babaeng hindi ko kayang mahalin ng buong buo," He answered. Napabuntong hininga na lamang ako at pinipigilan ang pagtulo ng mga luha ko.

"Take things slow Nolan, you don't need to force yourself. Just atleast, make Yna feel that she's important to you. Babae din ako katulad niya, alam kong hindi man niya sinasabi sayo pero nasasaktan siyang nararamdaman niyang walang pagtingin sakanya ang lalaking mahal niya..." Ani ko at pilit na ngumiti kahit sobrang sakit na ng puso ko ngayon.

All of my past decisions backfired towards me. Parang sunod sunod ako pinapatamaan sa dibdib ng sakit, pagsisisi, pagka dismaya, lungkot, lahat lahat na ng puot na kaya kong saluhin ay nararamdaman ko na ngayon. Ang tanga mo Zole, ang bobo mo. Tama si Skylar, I didn't save his freedom, I wrecked his heart.

"You really care about the feelings of other people don't you? That's one of the reasons why I loved you... You always took care the people around you, kahit hindi mo sila ka ano ano," At that moment, my tears automatically fell at hindi ko na ito napigilan.

"I..I'm really sorry for everything Nolan. Hindi ko sinasadyang saktan at iwan ka ng ganoon. You can be angry to me, pero ito ka ngayon, inaalagaan mo parin ako kahit hindi ko naman deserve ang pag aalaga mo sakin dahil sinaktan kita ng sobra sobra. Sa mga pinapakita mong kabaitan sakin, mas lalo lang ako nagsisisi sa nagawa kong kasalanan sayo. I understand kung hinding hindi mo na talaga ako mapapatawad-" Pinutol na niya ang sasabihin ko.

"Inaamin ko, nagalit ako sayo noon. Galit na galit ako at Oo pumasok din sa isip ko na gantihan ka pero hindi ko magawa Zole. Hindi kita kayang saktan...Kaya kahit mahirap sa'kin tanggapin ang katotohanan na hindi mo na ko mahal, tinanggap ko nalang dahil gusto kita maging masaya. I was madly inlove with you that even if I'm breaking myself into pieces, I endure all of it just for your happiness..." Mas lalo akong naiyak sa sinabi niya at napatakip na ko sa bibig ko sa sobrang pag iyak.

Nilapitan na niya ko at gamit ang mga kamay niya ay pinunasan niya ang mga luhang pumapatak sa mata ko. He weakly smiled at me and I stared at his eyes kahit medyo malabo na ang paningin ko dahil sa kakaiyak.

"Matagal na kitang pinatawad Zole. Wala ka rin naman talaga dapat ipaghingi ng sorry, hindi mo kasalanang piliin ang lalaking totoong mahal mo. Siguro nga, baka may pagkukulang din ako sayo noon bilang boyfriend mo kaya si Alexie ang mas minahal mo..." Aniya at kaagad naman ako umiling at hinawakan ang kamay niya.