Ang pagmamahalan nating dalawa
parang umiindap-indap na poste ng ilaw sa kalsada.
Laging may pangamba na baka hindi na magsindi
tuluyang mawala't mabalot ng dilim ang lahat.
Ang dating nagbibigay nang liwanag
sa ilang sandali'y tiyak na mabubuwag.
Sa tuluyang pagkakapundi ng ilaw poste sa kalsada.
Mababalot nang dilim ang mundo nating dalawa.
Hindi man tayo muling mabuo nang magkasama,
nagkapira-piraso nating puso mabubuo naman, di ba?
Isang araw, liliwanag muli ang ating kalsada.
Kahit na sa magkabilang dulo na tayo papunta.
YOU ARE READING
Tatlong Dekada (Filipino)
PoetryAng TATLONG DEKADA ay koleksyon ng mga tula na aking isinulat noong aking ika-tatlumpung taong kaarawan. Talumpung taon. Tatlumpung tula. Naging inspirasyon ko sa pagsusulat nito ay ang aking personal na kuwento nang pagpapatawad, pagpapakatatag, pa...