Mas mabuting manatili
sa barkong papalubog na
kung ang bangkang tatalunan mo
ay pinili mo lang para makaligtas ka.
Kung nawasak ang barko
na akala mong maglalayag kasama ka
huwag kang umasa sa sagwan o salbabida.
Lalo na kung pagdating sa pampang
iiwan mo lang din sila ng basta basta.
Hindi ko sinabing hayaan mo na lang
na tangayin ka ng alon.
Hindi ko sinabing magpakalunod ka.
Ang sinasabi ko,
matuto kang lumangoy mag-isa.
Delikado.
Nakakatakot.
Masusugatan ka.
Pero mas mabuti na ito
kaysa umasa ka sa iba.
Sapagkat sa panahon na sugatan ka
ang pinaka dapat mong iwasan
magdulot ng sugat sa iba.
YOU ARE READING
Tatlong Dekada (Filipino)
PoetryAng TATLONG DEKADA ay koleksyon ng mga tula na aking isinulat noong aking ika-tatlumpung taong kaarawan. Talumpung taon. Tatlumpung tula. Naging inspirasyon ko sa pagsusulat nito ay ang aking personal na kuwento nang pagpapatawad, pagpapakatatag, pa...
