May nagmahal bang hindi nagpaalam?
Maaaring isa ka sa mga natagpuan na.
Maaring isa ka sa mga nakatagpo na.
Pero ni minsan ba,
masasabi mong
hindi ka pa nagpaalam?
Nagpaalam sa unang pag-ibig.
Nagpaalam sa kaibigan na di ka inibig.
Nagpaalam sa pag-asa sa wala.
Nagpaalam sa malabong usapan.
Nagpaalam sa pagiging pangalawa lang.
Nagpaalam sa hapdi ng panloloko.
Nagpaalam sa latay ng kataksilan.
Nagpaalam sa lapnos ng pagbubulag-bulagan.
Nagpaalam ka, pinalaya mo ang sarili mo.
Maaring di mo pa natatagpuan ang nararapat para sa'yo.
Maaring di mo pa nahahanap ang sagot sa panalangin mo.
Pero p'wede kang magpaalam para sa sarili mo.
Puwede kang magpaalam para sa paghilom.
Puwede kang magpaalam para sa paglaya.
Puwede kang magpaalam para sa pag-asa.
Pag-asa na isang araw,
muling mabubuo ka.
Isang araw, magiging masaya ka.
Sa pagkakataon na 'yun mas magiging matatag ka na.
Sapagkat bumangon ka nang di umaasa sa iba.
Babangon ka nang may ngiti sa bagong umaga.
YOU ARE READING
Tatlong Dekada (Filipino)
PoetryAng TATLONG DEKADA ay koleksyon ng mga tula na aking isinulat noong aking ika-tatlumpung taong kaarawan. Talumpung taon. Tatlumpung tula. Naging inspirasyon ko sa pagsusulat nito ay ang aking personal na kuwento nang pagpapatawad, pagpapakatatag, pa...