Dumating man ang panahon at maubos ka -
pakiusap, piliin mo ang sarili mo
kagaya ng parati kong sinasabi,
ano mang mangyayari ay mangyayari
Hindi man madali,
ngunit para ito sa ikabubutiGugustuhin ko nang tanggapin
dahil alam ko namang sinubukan natin
Ang pagmamahal na kaya mong ibigay ay hindi na para sa akin
Ibigay man sa iba ay ikatutuwa
Marahil hindi sa paraang tatawa,
ngunit sa pakiramdam na ikagiginhawaBitbitin ko ang ipinaranas na pagtanggap sa buong pagkatao
hanggang sa magawa ko ito mismo
Parati akong magagalak na minsan kitang nakilala
Parati akong magpapasalamat na nagkaroon tayo ng panahon na iginugol sa isa't isaDumating man ang oras na tupok na tupok ka na,
alalahanin mo sanang hindi kita pinipigilan magpahinga
Tandaan mo bilang araw ko,
binigyan mo ako ng liwanag
At kung buwan ang pag-uusapan,
nariyan ka no'ng mga panahong ako ay nawawala sa kalagitnaan ng kadilimanMasaya ako kung pipiliin mo ang sarili mo
Suportado ako sa desisyon na ito
Dahil sa wakas,
alam mo na ang halaga mo
Panghahawakan ko ang lahat ng mayroon tayo
Ingatan mo ang sarili mo,
para mo na rin akong iningatan sa paggawa nitoHuwag kang magdadalawang-isip na umalis,
Tahakin mo ang daan palihis
Hindi mo kailangang tumingin uli
Alam mo namang babantayan kita,
parati03:53 12/24/21
YOU ARE READING
To Fill or Burst, To Break or Bury
PoetryI may have been the one who wrote this book, yet it undoubtedly belongs to you. Even if our hearts were meant to fill or burst, or even break or bury, today's me will always, always love you-through the shiniest or even the darkest side. No matter w...