Hidden Persona

Chapter 21

GLARE

Lumipas ang ilang minutong nasa iisang table kami at inaamin kong sobrang nag-enjoy ako. Hindi ko inakalang ang bait pala nilang pareho. Sa unang usapan, medyo nahihiya pa ako. Pero sa paglipas ng ilang minuto hindi ko na 'yon naramdaman. Sa una pa lang kita namang mabait na talaga si Raila. Hindi ko na siya tatawaging prinsesa dahil pinagbawalan niya na ako pati na rin si Laira.

Mabait siya at masayang kakwentuhan. Si Laira naman ay sa una, oo medyo may pagkamaldita at pagkamaarte pero hindi naman 'yon gano'ng kalala kaya ayos lang. Kahit 'yon ang ugali niya, alam ko namang mabait siya. Silang dalawa, maganda ang turing sa 'kin, inakala ko pang out of place ako pero hindi. Ako pa nga ang laging topic.

Habang narito sa iisang table at nagpapalipas ng sandali ay marami kaming napagkwentuhan. ungkol sa 'kin, kay Esther na siya pa lang pinaka-good girl sa kanilang tatlo at syempre hindi rin mawawala ang mapagkwentuhan silang dalawa.

Kahit hindi na dapat na mapagkuwentuhan pa ay napasok din sa usapan ang Hellion3 o sabihin na rin nating Hellion4 dahil napasok pa ang isang nasa China raw. Habang pahaba ng pahaba ang usapan, marami akong nalaman. Tungkol sa kanila at sa Hellion4.

Na boyfriend pala nitong si Raila yung isa sa Hellion4 na nasa China at yung hindi na masukat na inis na nararamdaman nitong si Laira kay Cairo. Mabuti na lang talaga at tinanggihan ko si Cairo na tulungan siyang makuha itong si Laira. Dahil unang tingin ko pa lang talaga alam kong wala ng pag-asa e. Halatang ayaw na ayaw talaga nitong si Laira kay Cai at dahil lang naman 'yon sa pagiging babaero nito.

Naiintindihan ko naman siya ro'n dahil kung hindi rin makulit na mabait sa 'kin ni Cai ay ayaw ko rin rito.

Habang masaya kami sa sarili naming table kasama ang Emerald Princess at Inheritor na si Esther ay nakikita ko ring masaya ang dalawang matandang si Mr. Principal at Mr. Emerald na nag-uusap sa sarili nilang table habang ang iba namang nakaupo roon ay may sarili ring mga mundo at may sarili itong topic.

Hindi ko talaga mapigilan, nawi-wierduhan na rin ako sa sarili ko e. Hindi lang nahahalata ng tatlong ka-table ko pero kanina pa talaga ako nagnanakaw ng tingin sa direksiyon ni Mr. Emerald. Kanina pa akong nahuhumaling sa mga ngiti niyang talaga nga namang napakaganda.

Natigil pansamantala ang ingay ng lahat ng may biglang tumikhim sa harap at ng balingan ko ito ng tingin ay ang SSG President pala ito na siyang tumikhim. Naagaw nito ang atensiyon naming lahat at bago magsalita ay parang nagso-sorry muna itong ngumiti.

"Sorry for interrupting your doings or bonds with each other everyone, the Inheritor Charity Esther Amethyst Leigh have a very important performance for her two best friends, the Emerald Princesses. We all know that this is dedicated to them. Let's give a round of applause to our Violin HHU Queen!" Kasabay ng pagpalakpak ng emcee ay ang pagpalakpakan ng crowd.

"I'm so excited Esther!" Ani Raila na inaalayan ng cheering smile si Esther.

"Para sa 'min 'yan, so dapat maganda!" Mataray na biro pang dagdag ni Laira.

"Kaya mo 'yan!" Sabi ko naman saka ito naglakad at umakyat ng stage na may dala ng Violin.

Ngumuti muna siya sa banda namin saka nagsimulang patugtugin ang instrumentong hawak. Tahimik ang lahat at tanging ang musikang pinatutogtog lamang ang maririnig sa buong loob ng gym. Nagsisimula na ring umuwang ang pang-ibabang labi ko sa sobrang ganda niyon sa aking tainga.