Ex- [Zawgyi/Unicode]

ℰXTℛᎯ

Uni♡

အနည်းငယ်ဟ​နေ​သော လိုက်ကာကြားက​နေတိုးဝင်လာ​​သော ​နေ​ရောင်ခြည်က မျက်နှာ​ပေါ်တည့်တည့်ကျ​ရောက်လာကာ ​နေအလင်း​ရောင်၏ စူးရှမှု​ကြောင့် ကျွန်​တော် အိပ်ရာမှနိုးလာသည်...

ညကများသွား​သောအရှိန်​ကြောင့်ရယ် အိပ်​​ရေးမဝသည်ရယ်တို့​ပေါင်းပြီး ​ခေါင်းက တဆစ်ဆစ်နဲ့ လူကမကြည်မလင်ဖြစ်လို့​နေသည်...

​သေချာမပွင့်​သေး​သောမျက်လုံးအတိုင်း ​ဘေးနားကို လက်ဖြင့်စမ်းကြည့်​တော့ ထိ​တွေ့မှုက ​အေးစက်စက်ရယ်...

မျက်လုံး​သေချာဖွင့်ကြည့်​တော့မှ ကုတင်​ပေါ်မှာ ကျွန်​တော် တစ်​ယောက်တည်းသာရှိ​နေသည်... ဒါဖြင့်သူ​ရော...

မ​နေ့ညက တစ်လ​လောက်ခရီးသွား​နေတဲ့ သူက ပြန်လာတာမို့ ကျွန်​တော်နဲ့သူ နှစ်​ယောက်သား အလွမ်းသယ်ရင်း​ သောက်ဖြစ်ကြသည်...

စကား​ပြောရင်း ​သောက်ရင်းနဲ့ ​တော်​​တော်များသွားမှန်းမှတ်မိ​ပေမယ့် မူးပြီး​နောက်ပိုင်း မှတ်မိတာ တစ်ခုမှမရှိ​တော့...

အခန်းထဲမရှိ​သောသူက အလုပ်သွားသည်​တော့ မဖြစ်နိုင်... ကျွန်​တော် အိပ်ခန်းထဲက ထွက်လာ​တော့ ဧည့်ခန်းရှိဆိုဖာ​ပေါ်မှာ အိပ်​နေတဲ့သူ့ကို ​တွေ့လိုက်ရသည်... သူ့​ဘေးမှာ​တော့ ကျွန်​တော့် သား Commedesက ထိုင်​နေ​လေရဲ့... မလှမ်းမကမ်းမှာ​တော့ မသိမ်းရ​သေး​တဲ့ သူ့ခရီး​ဆောင်အိတ်က ချထားလျက်သား...