Bienvenido A Casa

Chapter Five

Friend

"Gusto kita, Min. Matagal na kitang gusto!"

"Win.. anong sinasabi mo?"

Tumalikod ako habang nakatupi ang dalawang braso sa dibdib. Hindi ko naman gustong pakinggan ang pag-uusap nila pero talagang rinig sila sa kinatatayuan ko.

"Gustong gusto kita, Min.. No! I'm inlove with you. I am so inlove-"

"Naririnig mo ba yang sarili mo, Win? Win, I'm your professor. Hindi tama 'yang nararamdaman mo.."

Napayuko ako. Hinihintay ang magiging sagot ni Win.

"And so? Dahil ba professor kita hindi na kita pwedeng mahalin? Magustuhan? Wala namang rule na ganon, Min!"

"Stop calling me by my first name, Win. Baka may makarinig sayo.." ani Min ang pangalan

"I don't even care anymore. I just... I just want you to know what I truly feel for you!"

"Win, hindi pwede.."

"Bakit hindi?! Dahil mas matanda ka sakin? Iyon ba?"

Maririnig sa boses ni Win ang pagsusumamo. Hindi ko mapigilan kaya napabuntong hininga ako.

"Win, hindi 'yon. Hindi lang talaga.. hindi lang tayo ako ang nararapat sayo." mahinahong sabi ng babae

"How can you say that?! Just give me a chance. I'll prove to you that I'm deserving of your love! Please!"

"Win ano ba!"

Sinilip ko sila matapos ang pasigaw na sambit ng babaw kay Win. Atsaka ko nakita na magka-yakap sila pero pumipiglas si Min. Nang sa wakas ay maghiwalay ay agad na sinampal nito si Win.

"I am trying my best to be calm as much as possible here, Win! Dahil estudyante parin kita! Pero hindi na tama yang ginagawa mo!"

"Min, hindi ako aamin kung hindi ko nararamdamang gusto mo ako.. Gusto mo-"

"Hindi kita gusto." Deretsyahang sabi ni Min kay Win.

"Pero-"

"Win, makinig ka. I'm sorry if my actions told you otherwise. Siguro oo, gusto kita pero bilang estudyante ko. Lahat ng pakiki-tungo ko sayo, lahat ng yon ay dahil mabuti kang studyante. Mabuti kang bata-"

"Hindi na ako bata!" sigaw ni Win na ikinagulat ni Min

"Bakit ba parati mo nalang akong tintrato na parang bata?!"

"Because you are. And the way you act now just proved that."

Mabilis akong nagtago ng makitang paalis na si Min, pero narinig kong tinawag at pinigilan siya ni Win.

"Min, please.. Ano bang gusto mong gawin ko para tanggapin mo 'ko? Yung edad ko ba? Min, kaya ko namang makipagsabayan sa mga kaedaran mo eh, gagawin ko! Para sayo!"

Nanatili lang ako sa gilid at nakikinig.

"Wala kang dapat gawin, Win. Wala kang magagawa... I don't see myself with you, Win.."

Rinig ko ang pagsinghot ni Win. Umiiyak ba siya? I then heard a sarcastic laugh.

"Dahil ano? Dahil ba bastardo ako ni Gov? Dahil anak ako sa labas?! SABIHIN MO!" sigaw niya

"Dahil may mahal na akong iba!" sigaw naman ni Min..

Nanaig ang katahimikan. Napatingin ako sa mga taong lumalabas sa resto bar para manigarilyo. Buti nalang ay hindi naman sila dumadako pa rito.

"I'm engaged, Win. Malapit na akong ikasal.. I don't see myself with you because I already did saw myself with someone else. And I really... I really love him."