لُطفاً ضع نجمه⭐.
دامك زرعت الحب في داخلي ورد
انا ما ابي غيرك من الناس يسقيه .
،
نسيت اعرفكم على عائله ابو فهد
ابو فهد: التوأم الثالث لابوه طلال وابو فيصل عمره ٤٤
ام فهد: منى ٤٢
فهد: عمره ٢٤ يشتغل بشركه ابوه
ليان: عمرها ٢٣
ضي: عمرها ٢٠
لمى: عمرها ١٨
،
أتوجه تركي لجناحه دق الباب دخل الغرفه وكانت ثلج بمعنى الكلمه وظلام فتح الأنوار وطفى المكيف طبعاً راكان ماكان نايم جافاه النوم
جلس تركي: قالت لي ميس اللي صار
راكان:.......
تركي: اسف اني ضربتك
راكان:......
تركي: ادري انك صاحي جاوبني
راكان اعتدل: وش تبي
تركي: زعلان علي
راكان: وليه ازعل
تركي: لاني ضربتك
راكان: لا ماني زعلان
تركي: اجل ليه قاعد هنا
راكان: كذا ابغى اريح
تركي: لو دريت السبب اللي خلاك تضرب مهند كنت ضربته معاك
راكان: كيف ميس
تركي بغمزه: وليه تسأل
راكان: كيفي بغيت اسأل عنها عندك مانع
تركي: لاحشى مأعندي مانع
راكان: أجل ابغى اكلمها
تركي بصدمه: وش انت اكيد الفيوز عندك ضارب
راكان: لا ماهيب ضارب ولا شي ابغى أتكلم معاها
تركي: اوك بس بمقابل
راكان: وش
تركي: أمم ابيك تسامحني
راكان: تحلم انا زعلان عليك
تركي: توك تقول انك موب زعلان
راكان: زعلت الحين ياخي كيفي
تركي: اوووفطيب وش اللي يرضيك
تركي: ابغى اكلم ميس
تركي: قلبت الموضوع على يالخطير
راكان: أجل معاك راكان مو حي الله
تركي: اوك أمري لله اشوفها متى تكون فاضيه تتكلم معاك
راكان: طبعاً مو مكالمه فيس تو فيس
تركي: لا انت اكيد انجنيت
راكان: أمم تقدر تقول كذا
تركي: انا قايل كذا من زمان
راكان: ياخي وش فيك اللي يقول انك ماضبت لنا موعد من قبل
تركي: انا احس اني قاعد اغلط وانا اضبط لكم موعد
راكان: تروك الله يخليك آخر مره والله
تركي: اوك بشوفها
راكان قام وحضن تركي وتركي بادله الحضن
بعد راكان: شكراً
تركي: ماتشكرني الحين اشكرني لمن تتقابلون
راكان باستهبال: أجل مو شكراً
تركي ضحك على استهبال راكان ولأنه قدر يراضيه: يلا ننزل تحت
راكان: يلا.... ونزلو
طبعاً لما اجى مهند وسألوه وش اللي صار له قال لهم أنه صار معاه حادث بناء على اللي قاله تركي له
،
في المجلس
قام تركي: ميوس تعال شوي
ميس استغرب وش يبغى تركي وقامت وطلعوا
وقف تركي بالحديقه وقفت ميس معاه
ميس: خير تركي وش بغيت
تركي ناظر لها وأخذ جواله يتقطق فيه ميس استغربت بس سكتت
في المجلس
رن جوال راكان وطلع: عن اذنكم وطلع
في الجهه الثانيه من الحديقه
قرب راكان لعندهم بابتسامه: هلا ميس انصدمت
تركي: هلا والله بسرعه معاك ربع ساعه بس
تركي باعتراض: ليه مره شوي
تركي: أجل خلاص يلا ميس قدامي
راكان: لا لا لا ياشيخ امزح وعلى فكره ربع ساعه مره كثير
تركي ضحك عليه وراح
راكان: أخيراً راح ماابغى يروح
ميس كانت ساكته
راكان تقدم لها: ميس انا اسف
ميس صدت عنه وبدأت دموعها تنزل
راكان بخوف: ميس ليه تبكي
ميس ساكت بس تبكي
راكان بجراءه قرب منها ومسح دموعها وبرقه: ماعاش من ينزل دموعك دموعك غاليه والله
ميس انصدمت ومازالت تبكي
راكان: ميس حبيبتي قلت لك اسف
ميس انصدمت من كلمت حبيبي: وش يفيد الأسف لو صار لك شي
راكان بابتسامه: ليه اهمك
ميس صدت بخجل ومسحت دموعها
راكان: ناضريني ماصار شي
ميس: ادري بس
راكان: لا تبسبسين.... مسك يدها بيده: احبك للمره الثانيه اقولها لك
ميس صدت بخجل وبحب: وانا احبك
راكان حضنها بدون شعور
ميس انصدمت ماقدرت تتحرك راكان بعد بسرعه وبأرتباك: اسف
ميس ببخجل ودلع طبيعي: عادي
راكان بغى يغمى عليه من دلعها الرباني
قاطعهم تركي : خلاص كمل وقتك
راكان بتأفأف: تركي تدري انك نشبه
تركي: ادري يلا طس ابوي يسأل عن ميس
راكان: شوي بس
تركي: لا شوي ولا شي تبغى تجلس معاها اخطبها وريحنا ياخي
ميس اول ماسمعت طاري الخطبه حمرت من الخجل
راكان: قريب ان شاء الله ماعد أذل نفسي لك
تركي: طيب ياناكر المعروف
راكان طنش تركي والتفت لميس: ميوس سامحتيني
ميس: ايه
أنت تقرأ
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
