لطفا ضع نجمه ⭐.
وقعتُ بك ، ولم انهض بعد.
،
بيت ابو سيف
بعد ماسكر منها رجعت دموعها تنزل مره ثانيه ماتدري ليه هل لانه تذكرت ابوها او ان صوته حسسها بالحنان والامان اللي كانت فاقدته
قطع تفكيرها صوت دق الباب مسحت دموعها بسرعه وحاول انها تكون طبيعيه : تفضل
دخلت دانه وجلست فوق السرير وبتأفف : اووف مره طفش
دلال بنعومه : اي والله مره
دانه دققت بملامح اختها : دلالي حبيبتي كنتي تبكين
دلال بابتسامه : لا
دانه تقدمت لعندها : دلال تخبين علي
دلال ماقدرت تستحمل وانفجرت بكاء وصارت تشاهق
دانه بخوف حضنتها بقوه اول مره تشوفها تبكي من بعد مامات ابوها : اششش خلاص دلال حبيبتي اهدي
دلال كانت تبكي بحضن اختها
دانه : وش فيك وش صاير
دلال قالت لاختها كل اللي صار
دانه : صوته لذي الدرجه حلو خلاكي تبكي
دلال هزت راسها بصمت
دانه: خقيتيي عليه وبكيتي
دلال وهي تضحك وسط دموعها : اي
دانه : قولي امين
دلال : على
دانه بأبتسامه : قولي بس
دلال : آمين
دانه : وش رايك نقوم نسوي حلا الاوريو
دلال نفسيتها تغيرت ١٨٠ درجه : قدااام
دانه بنفسها : الله يجعلها دوم كذا نفسي اعرف بس وش سوى لك ابو صوت حلو
،
في بيت الجد
عند الشباب والبنات
بعد ماسكر سام الخط
مشعل وريان وعبد العزيز بصوت واحد : صوتها يخقق مره
نوف وضي عطوهم نظره اللي سكتتهم
وتين : ي عمري والله مره زعلت عليها لما بكت
ليان : اي والله كان صوتها يحزن
سام ماكان معاهم ابدا كان كل تفكيره عند صاحبه الصوت
مشعل : سام وش فيك
سام ماانتبه له
مشعل دقه بكتفه : ساام
سام استوعب : هلا
مشعل : وش فيك
سام بأبتسامه : مافيني شي
مشعل : متأكد
سام : اي
لمى بصوت عالي : الحين دوري
تركي : انتي ليه كذا صوتك عالي تكلمي بهدوء
لمى بتأفف : حاضر المهم الحين دوري
تركي : طيب مين
لمى : اممممم ريان
ريان ناظرها : وشو انا
لمى : اي انت
ريان : اجل ايش
لمى وهي تفكر : ابيك تدق على عمي وتقول له انك تبي تتبرع بكليتك لخويك
كلهم ناظروها بصدمه
ريان : وشو انتي مجنونه
لمى : لاتطمن انا بكامل قواي العقليه
ريان : الحين انتي من جدك ولاتستهبلين
لمى : لامن جد والله
راكان كان ميت ضحك : الله يعينك ي ريان ابوي ماعنده مزح بذي الاشياء
ريان اعطاه نظره دق ع ابوه
بعد كم رنه جاوب : هلا ريان
ريان : هلا ابوي شلونك
ابو ريان " ماجد " : الحمد لله تمام وش بغيت
ريان : اممم ياابوي والله ماادري كيف ابدا لك الموضوع
ماجد : وش فيك وترتني تكلم
ريان : ابوي انا الحين بالمستشفى ودحوم خويي محتاج كليه سوينا التحاليل انا والشباب والوحيد اللي تطابقت كليت دحوم معاه هو انا بس بغيت اعلمك ابي دعواتك
ماجد بعد مده من التفكير : والله ياولدي هاذا فعل خير بس لازم تصلي استخاره وشوف
ريان : يعني ماعندك مشكله انت
ماجد : يعني فشل كلوي تام ولا؟؟
ريان : اي
ماجد : مافي حد تطابق معاه من اقاربه
ريان : لا
ماجد : والله ياولدي ذا الشي راجع لك وبينك وبين ربك استخر وشوف ربي وش يدلك عليه
ريان تأثر من كلام ابوه وبغصه : الله يسعدك يبوي والله انك فخر
الشباب والبنات صارو يصارخون بحمااااس
راكان اخذ الجوال من يد اخوه : هلا يبه
ماجد باستغراب : وش ذا الصراخ مين معاي راكان ؟؟
راكان : اي معك راكان ذا كان تحدي تحدينا ريان وانت ربي يخليك ماقصرت والله ماتوقعت تقول كذا ابدا
ماجد مات ضحك : والله انكم خبلان وبعدين ايش توقعتو اني اقول مثلا
اخذت التلفون لمى : والله ياعمي انك طلعت كفو
ماجد : هلا لمى حبيبي ادري مايحتاج تقولين
فرح من بعيد : امووت ع الثقه يابو راكان
ماجد ضحك عليها : اقول اهجدي يابنت
تركي : ماننحرم ي ماجد
ماجد : هلا تروك وينك ياخي ماعاد نشوفك
تركي : مشاغل الدنيا
ماجد : اقول طير بس كلنا ندري انك اكثر واحد فاضي فينا
تركي ضحك
ماجد : إلا من فاز في المباراه
فرح بصراخ : اكيييد حنا ههههه
ماجد وهو يضحك : الله يخسك وش ذا الصوت وبعدين اكييد الهلال فازو
كل الهلالين : ايييي
ماجد : الله يديم الفرحه عليكم وهارد لكم يالاتحادين
كلهم ضحكو
ماجد : يلا مشكورين ع الاتصال الحلو غيرتو لي جوو والله
سلطان : العفو ياعمي
ماجد : يلا الله معاكم
وسكر
تركي اخذ جواله ورسل لريم مسج
ريم فتحت جوالها باستغراب شافت الرساله ورفعت راسها ابتسمت ل تركي
ريم لغزل : اقول غزل بتجين معاي نجيب لهم الحلا
غزل بابتسامه قامت : اكييد ومسكت يدها وراحو
فرح بتأفف : خلاص اطلعو برا طفشت من الحجاب
الشباب كلهم ناظروها بنص عين
فرح وهي تضحك : امزح امزح
رائد كان جالس جمبها وبهمس : انا عادي صح
فرح تغير لونها بخجل : لا وانت كمان تطلع معاهم
رائد : ليييه
فرح : كذا
رائد : هين شغلك معاي بس مو الحين بعدين
YOU ARE READING
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
