لطفاً ضع نجمة⭐.
وش حيلة اللي شاف في عينك بلد
و ان غابت عيونك يحس انه غريب
،
دخل راكان
تركي ووليد جالسين بدلع على الأرض منزلين رؤسهم
راكان من الصدمه اغمى عليه زياده مانام أمس
تركي مسك قلبه: ويه وش فيه
دقيقتين دخلت ميس اللي خافت من منظر راكان وخافت من وجود البنتين مع راكان
ميس: لااااااا..
تركي ووليد قلبهم رقع بالجدار ووقفوا وراحوا بعيد ويطيح تركي بالكعب وهو ماسك الباروكه وتطلع السيقان بس ربكم ستر ميس من الصياح ماانتبهت أن السيقان مليانه شعر رجاليه المسكينه منهاره
تركي ووليد يتشجعون وينفذون خطه رقم ٢
وليد راح لعند راكان وجلس عنده ورفع راسه وحضنه بقوه
ميس تطالعه: حسبي الله عليك لابارك الله فيك
وليد يرمش ولا يرد وهو يلم راكان
تركي جاء وجلس وباس راكان بجبهته
راكان فتح عيونه وجلسه وليد
راكان ربكم ستر انه ذكي انتبه للشنبات الخفيفه اللي عليهم وعرف السالفه وجلس بدون لايتكلم: ميس
ميس تبكي: نعم
راكان: روحي داخل
ميس تصرخ وهي تبكي: وليه اروح داخل ليه عشان يحلى لك الجو مع هالكلبتين
راكان انصدم: قلت لك روحي داخل بلا هالكلام الفاضي
ميس تصيح: ماني راحيه ماني رايحه لا لا مستحيل
راكان وقف ومسكها لين داخل البيت وسكر الباب: ميس اسكتي هذول تركي ووليد
ميس توها تذكر الشنبات: شلون
راكان شال العقال وطلع راح للديوانيه وعرف انهم انحاشوا
طلع ونادى ميس اللي كانت متندمه على اللي قالته وأنها شكت فيه بس هو تفهمها وعذرها وجلسوا بالديوانيه يسولفون ويضحكون براحتهم
،
طبعاً نور عزمت رنيم واخوها صقر وامها وميس عزمت صديقتها سديم وجت معاها اختها كيان
،
عند البنات
وناسه ورقص وإستهبال
ريم: مين بتطلع معاي نشم هوا
كيان: انا.. وخرجوا
،
عند الشباب
دخلوا تركي ووليد
راكان: الله جابكم.. وقام
وليد وتركي انحاشوا يوم عرفوا أنه قام يضربهم
راكان مسك تركي..
تركي: لا مايصير كذا عيب انا عمك
راكان صار يضرب تركي بالعقال: انا اوريك يال...
عزيز: راكان تبيني امسك وليد قبل لاينحاش
راكان: ولسه تسأل امسكه
راكان قام من عند تركي لعند وليد
راكان: والله ماهقيتها منك يالعاقل أجل انا تسون فيني كذا
وليد ميت ضحك: والله الفكره فكره تركي موب انا قوم من فوقي يالثور...
راكان: انا الثور ياحمار وزاد يضربه
بعد خمس دقائق كل واحد رجع مكانه
ريان: شالسالفه ليش كان يضربكم راكان
تركي وهو يضحك قال لهم السالفه
بعد ماكمل تركي يحكيلهم..
كنان رن جواله: عن اذنكم وطلع
الكل: اذنك معك
صقر لمشعل: احس ان كنان هادي مو مثلكم
مشعل: ايه هو كذا هادي
YOU ARE READING
رواية ما أبي غيرك لو غيرك كثير ابيك انت ياللي قليلك شدني / بقلمي
Romanceروايتي نسج بين الخيال والواقع قد تلامس واقعنا بما فيه من الحزن والفرح او تلامس خيالنا الذي لطالما تمنينا ان يكون واقع نعيشه لحظه بلحظه. **الروايه باللهجه السعودية. إبتدت بتاريخ: ٢٠٢٠/٤/٤ انتهت بتاريخ: ... قراءة مُمتعه للجميع💗.
